ചെറുപുഴയിൽ പ്രവാസി യുവാവിനെ സാമൂഹ്യമാധ്യമങ്ങളിലൂടെ അധിക്ഷേപിക്കുകയും വധഭീഷണി മുഴക്കുകയും ചെയ്ത സംഭവത്തിൽ പോലീസ് കേസെടുത്തു. പുളിങ്ങോട്ട് താമസിക്കുന്ന തലയില്ലത്ത് നൗഫൽ നൽകിയ പരാതിയുടെ അടിസ്ഥാനത്തിൽ വെട്ടം സിബി, ഭാര്യ സിജി സിബി, ഇവരുടെ മകൻ മിഥുൻ എന്നിവർക്കെതിരെയാണ് ചെറുപുഴ പോലീസ് അന്വേഷണം ആരംഭിച്ചത്.
പരാതിക്കാരന്റെ ആരോപണം അനുസരിച്ച്, 2026 മെയ് 17 മുതൽ പ്രതികൾ ഇദ്ദേഹത്തിനെതിരെ സാമൂഹ്യമാധ്യമങ്ങൾ വഴി അശ്ലീല പോസ്റ്റുകൾ പ്രചരിപ്പിക്കുകയും ഫോൺ മുഖേന വധഭീഷണി മുഴക്കുകയുമായിരുന്നു. പ്രതികൾ നടത്തിവരുന്ന ധനകാര്യ സ്ഥാപനത്തിൽ നിക്ഷേപിച്ച തുക തിരികെ ആവശ്യപ്പെട്ടതിനെ തുടർന്നാണ് തനിക്കെതിരെ ഇത്തരം അപവാദപ്രചാരണങ്ങളും ഭീഷണികളും ഉണ്ടായതെന്ന് നൗഫൽ പോലീസിന് നൽകിയ മൊഴിയിൽ വ്യക്തമാക്കിയിട്ടുണ്ട്.
സംഭവത്തിൽ വിശദമായ അന്വേഷണം നടന്നു വരികയാണെന്ന് ചെറുപുഴ പോലീസ് അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
