തൊടുപുഴ നെയ്യശ്ശേരി കാഞ്ഞിരക്കുഴി സ്വദേശിയായ കെ.കെ. പ്രദീപ് (40) എട്ടു വർഷമായി തുടർന്നുപോന്ന തന്റെ അപൂർവ ശപഥം പൂർത്തിയാക്കി.
പിണറായി വിജയൻ സർക്കാർ അധികാരത്തിൽ നിന്ന് ഒഴിയുന്നത് വരെ താടിയും മുടിയും വടിക്കില്ലെന്ന പ്രതിജ്ഞയാണ് പ്രദീപ് നിറവേറ്റിയത്. 2018-ൽ ശബരിമല സ്ത്രീ പ്രവേശന വിധി പുറത്തുവന്ന സാഹചര്യത്തിലായിരുന്നു ഇത്തരമൊരു കടുത്ത തീരുമാനത്തിലേക്ക് അദ്ദേഹം എത്തിയത്.
ശപഥത്തിന്റെ ഭാഗമായി കഴിഞ്ഞ മൂന്നു വർഷത്തോളം ഓട്ടോറിക്ഷയിൽ കേരളത്തിലുടനീളം സഞ്ചരിച്ച് അയ്യപ്പഭക്തർക്കിടയിൽ ഐക്യദാർഢ്യം സന്ദേശം പ്രചരിപ്പിക്കാൻ അദ്ദേഹം സമയം കണ്ടെത്തിയിരുന്നു. ഇതിന്റെ തുടർച്ചയായി ഇന്നലെ തന്റെ നീണ്ട
മുടിയുടെയും താടിയുടെയും അറ്റം മുറിച്ച് പ്രദീപ് ശപഥം അവസാനിപ്പിച്ചു. ഈ വീഡിയോ അദ്ദേഹം ഫെയ്സ്ബുക്കിലൂടെ പങ്കുവെച്ചു.
തുടർന്ന് നാട്ടുകാർക്ക് പായസം വിതരണം ചെയ്തും അദ്ദേഹം ഈ അവസരം ആഘോഷമാക്കി. നേരത്തെ എറണാകുളത്തെ സ്വകാര്യ സ്ഥാപനത്തിൽ അക്കൗണ്ടന്റായി ജോലി ചെയ്തു വരികയായിരുന്നു പ്രദീപ്.
പിതാവിന്റെ അനാരോഗ്യം കാരണം ജോലി ഉപേക്ഷിച്ച് നാട്ടിലേക്ക് മടങ്ങിയ അദ്ദേഹം, നിലവിൽ ഓൺലൈൻ വഴിയാണ് തൊഴിൽ തുടരുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
