‘ചന്ദനമഴ’ എന്ന ജനപ്രിയ പരമ്പരയിലൂടെ മലയാളികളുടെ പ്രിയങ്കരിയായി മാറിയ നടിയാണ് മേഘ്ന വിൻസെന്റ്. സഹപ്രവർത്തകനും നടിയുമായ ഡിംപിൾ ടോണിയുടെ സഹോദരൻ ഡോൺ ടോണിയുമായുള്ള വിവാഹബന്ധം വേർപിരിഞ്ഞ ശേഷം, ഡിവൈൻ എന്ന വ്യക്തിയെ മേഘ്ന വിവാഹം കഴിച്ചിരുന്നു.
തന്റെ യൂട്യൂബ് ചാനലിലൂടെ വ്യക്തിജീവിതത്തിലെ വിശേഷങ്ങൾ ആരാധകരുമായി പങ്കുവെക്കാറുള്ള മേഘ്ന, സമീപകാലത്ത് പുറത്തിറക്കിയ വ്ലോഗിലൂടെ വിവാഹമോചനത്തെക്കുറിച്ചുള്ള ചോദ്യങ്ങൾക്ക് മറുപടി നൽകി. ഇക്കാര്യത്തിൽ മേഘ്നയുടെ വാക്കുകൾ ഇങ്ങനെ: “എന്തായിരുന്നു വിവാഹ മോചനത്തിന് കാരണം എന്ന ചോദിച്ചാൽ, അത് തീര്ത്തും പേഴ്സണലായ കാരണമാണ്.
അങ്ങനെ ഭീകരമായ കാര്യങ്ങളൊന്നും അല്ല, എങ്കില് പോലും അത് പുറത്തു പറയാന് ആഗ്രഹിക്കുന്നില്ല. ആ ആളിനോട് വെറുപ്പോ ദേഷ്യമോ ഒന്നും തന്നെ ഇപ്പോഴില്ല.
അത് എന്റെ കഴിഞ്ഞ ജീവിതം. അതിനെ കുറിച്ച് ആലോചിക്കാറില്ല.
രണ്ടാഴ്ചകള്ക്ക് മുന്പുള്ള കാര്യങ്ങള് പോലും ആലോചിക്കാത്ത ഞാന് എന്തിന് അതൊക്കെ ആലോചിക്കണം. കഴിഞ്ഞത് കഴിഞ്ഞത് തന്നെയാണ്, ഇപ്പോഴത്തെ ജീവിതം ആസ്വദിക്കുന്നു.” മുൻബന്ധത്തിൽ നിന്ന് താൻ ഒരു പ്രധാന പാഠം ഉൾക്കൊണ്ടതായി മേഘ്ന വ്യക്തമാക്കി: “മുന് ബന്ധത്തില് നിന്ന് പഠിച്ച ഒരു പാഠം, എല്ലാവരെയും ഒറ്റനോട്ടത്തില് തന്നെ വിശ്വസിക്കരുത് എന്നതാണ്.
വേര്പിരിഞ്ഞതിന് ശേഷം ആളെ ഇതുവരെ കണ്ടിട്ടില്ല. കാണാന് ഞാന് ശ്രമിച്ചിട്ടുമില്ല, ആഗ്രഹിച്ചിട്ടുമില്ല.” ഡിവൈനുമായുള്ള ദാമ്പത്യ ജീവിതത്തെക്കുറിച്ച് സംസാരിക്കവേ, തന്നിലുണ്ടായ മാറ്റങ്ങളെക്കുറിച്ചും താരം വിവരിച്ചു.
“ഡിവൈനുമായുള്ള ജീവിതം ഹാപ്പിയാണ്, അന്നൊക്കെ എന്തിനും മൂഡ് സ്വിങ്സ് ഉണ്ടാവുന്ന, വളരെ ഡിപ്രഷന് അനുഭവിക്കുന്ന ആളായിരുന്നു ഞാന്. അതില് നിന്നൊക്കെ എന്നെ പുതിയൊരു വ്യക്തിയാക്കി മുന്നോട്ടുകൊണ്ടുവന്നത് ഡിവൈനാണ്.
ഇപ്പോഴും കഴിഞ്ഞ ജീവിതം പറഞ്ഞ് ഫോട്ടോകള് കുത്തിപ്പൊക്കുന്നതും, ചേര്ത്തുവച്ച് ഫോട്ടോകള് വരുന്നതും ഡിവൈന് പ്രശ്നമാണ്. ഞാൻ അത്തരം കാര്യങ്ങള് ശ്രദ്ധിക്കാറില്ല.
പക്ഷേ ഇപ്പോള് മൂത്ത മകന് ഫോണ് സ്ക്രോൾ ചെയ്യാനും കണ്ടാല് പലതും മനസിലാക്കുകയും ചെയ്യുന്ന പ്രായമായി. അപ്പനൊപ്പം മറ്റൊരാള് നില്ക്കുന്ന ഫോട്ടോകള്ക്കും വാര്ത്തകള്ക്കും മറുപടി പറയേണ്ട
അവസ്ഥ കുട്ടികള്ക്ക് പ്രയാസമുണ്ടാക്കും എന്നാണ് ഡിവൈന് പറയുന്നത്,” മേഘ്ന പറഞ്ഞു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
