ജോലി പോകുമോ എന്ന് പേടിയുണ്ടോ? കേന്ദ്രസർക്കാർ നൽകുന്ന സൗജന്യ എഐ കോഴ്സുകൾ പഠിക്കാം

ആർട്ടിഫിഷ്യൽ ഇൻ്റലിജൻസിൻ്റെ (എഐ) വരവോടെ പല ജോലികളും പ്രതിസന്ധിയിലാണ്. ഈ സാഹചര്യത്തിൽ, പുതിയ കഴിവുകൾ നേടേണ്ടത് അത്യാവശ്യമായി മാറിയിരിക്കുന്നു.

ഇതിനായി കേന്ദ്രസർക്കാർ വിദ്യാർത്ഥികൾക്കും ഉദ്യോഗാർത്ഥികൾക്കുമായി സൗജന്യ എഐ കോഴ്സുകൾ നൽകുന്നുണ്ട്. ഈ കോഴ്സ് നിങ്ങളെ എഐ, മെഷീൻ ലേണിംഗ് എന്നിവയുടെ അടിസ്ഥാനകാര്യങ്ങൾ പഠിപ്പിക്കും.

പൈത്തൺ ഉപയോഗിച്ച് ഡാറ്റാ അനാലിസിസ്, ഡാറ്റാ വിഷ്വലൈസേഷൻ, ലീനിയർ ആൾജിബ്ര, സ്റ്റാറ്റിസ്റ്റിക്സ്, ഒപ്റ്റിമൈസേഷൻ ടെക്നിക്കുകൾ എന്നിവയെല്ലാം പഠിപ്പിക്കും. വിദ്യാർത്ഥികൾക്ക് തത്സമയ ഡാറ്റ ഉപയോഗിച്ച് പരിശീലിക്കാം.

ഡാറ്റാ സയൻസിൽ കരിയർ ആഗ്രഹിക്കുന്നവർക്ക് ഈ കോഴ്സ് വളരെ പ്രയോജനപ്പെടും. സ്പോർട്സ് അനാലിസിസിൽ താല്പര്യമുള്ളവർക്ക് ഈ കോഴ്സ് തിരഞ്ഞെടുക്കാം.

ക്രിക്കറ്റ് ഡാറ്റ ശേഖരണം, ഡാറ്റ പ്രിപ്പറേഷൻ, സ്ട്രൈക്ക് റേറ്റ്, BASRA ഇൻഡെക്സ് പോലുള്ള പ്രകടന സൂചികകൾ, പൈത്തൺ ഉപയോഗിച്ച് ഗ്രാഫുകളും ചാർട്ടുകളും നിർമ്മിക്കൽ എന്നിവയെല്ലാം ഇതിൽ പഠിപ്പിക്കുന്നു. സങ്കീർണ്ണമായ ക്രിക്കറ്റ് സ്ഥിതിവിവരക്കണക്കുകൾ എളുപ്പത്തിൽ മനസ്സിലാക്കാൻ എഐ എങ്ങനെ സഹായിക്കുമെന്നും ഈ കോഴ്സ് വിശദീകരിക്കുന്നു.ഈ കോഴ്സ് അധ്യാപകർക്കായി പ്രത്യേകം തയ്യാറാക്കിയതാണ്.

പാഠ്യപദ്ധതിയിൽ എഐ എങ്ങനെ ഉപയോഗിക്കാം, ഓൺലൈൻ അസസ്മെൻ്റുകൾ തയ്യാറാക്കുന്ന വിധം, വിദ്യാർത്ഥികളുടെ പഠനം വ്യക്തിഗതമാക്കാനുള്ള വഴികൾ, ക്ലാസ് റൂമിലെ കാര്യക്ഷമത വർദ്ധിപ്പിക്കൽ, എഐ ടൂളുകൾ ഉപയോഗിച്ച് അധ്യാപനം എങ്ങനെ കൂടുതൽ മികച്ചതാക്കാം എന്നിവയെല്ലാം ഇതിൽ ഉൾപ്പെടുത്തിയിരിക്കുന്നു. ഈ വിഭാഗത്തിൽ മൂന്ന് പ്രത്യേക കോഴ്സുകളുണ്ട്:  AI in Physics: മെഷീൻ ലേണിംഗ് മോഡലുകൾ, ന്യൂറൽ നെറ്റ്‌വർക്കുകൾ എന്നിവ ഉപയോഗിച്ച് ഫിസിക്സിലെ പ്രശ്നങ്ങൾ പരിഹരിക്കാൻ പഠിപ്പിക്കുന്നു.

ഡാറ്റ അടിസ്ഥാനമാക്കിയുള്ള സിമുലേഷനുകളിൽ പ്രായോഗിക പരിശീലനം നൽകുന്നു.  AI in Chemistry: മോളിക്യുലാർ പ്രെഡിക്ഷൻ, റിയാക്ഷൻ മോഡലിംഗ് തുടങ്ങിയ കാര്യങ്ങളിൽ എഐയുടെ ഉപയോഗം പഠിപ്പിക്കുന്നു. യഥാർത്ഥ ഡാറ്റാസെറ്റുകൾ ഉപയോഗിച്ച് പ്രവർത്തിക്കാൻ അവസരമുണ്ടാകും.  AI in Accounting: ഫിനാൻസ് രംഗത്ത് ഓട്ടോമേഷൻ, തട്ടിപ്പ് കണ്ടെത്തൽ (ഫ്രോഡ് ഡിറ്റക്ഷൻ), ഫോർകാസ്റ്റിംഗ് തുടങ്ങിയവയിൽ എഐ എങ്ങനെ ഉപയോഗിക്കാമെന്ന് ഈ കോഴ്സ് വിശദീകരിക്കുന്നു.

അക്കൗണ്ടിംഗ്, ഫിനാൻഷ്യൽ അനലിറ്റിക്സ് രംഗത്ത് കരിയർ ആഗ്രഹിക്കുന്നവർക്ക് ഇത് ഏറെ ഗുണം ചെയ്യും. ഈ കോഴ്സുകളെല്ലാം SWAYAM പോർട്ടലിൽ സൗജന്യമായി ലഭ്യമാണ്.

രജിസ്റ്റർ ചെയ്യാനായി ആദ്യം SWAYAM-ൻ്റെ ഔദ്യോഗിക വെബ്സൈറ്റ് സന്ദർശിക്കുക. കോഴ്സിൻ്റെ പേര് സെർച്ച് ചെയ്ത് രജിസ്റ്റർ ചെയ്യാം.

കോഴ്സ് പൂർത്തിയാക്കുന്നവർക്ക് സർട്ടിഫിക്കറ്റ് ലഭിക്കും. ഇത് നിങ്ങളുടെ റെസ്യൂമെക്ക് കൂടുതൽ മൂല്യം നൽകും.

എഐ രംഗത്ത് കഴിവുകൾ മെച്ചപ്പെടുത്താൻ ആഗ്രഹിക്കുന്നവർക്ക് ഈ സൗജന്യ കോഴ്സുകൾ ഒരു മികച്ച അവസരമാണ്.

… FacebookTwitterWhatsAppTelegram