കൊട്ടാരക്കര ∙ വിൽപനയ്ക്കായി കൊട്ടാരക്കരയിലേക്കു കൊണ്ടുവന്ന 4 കിലോഗ്രാം കഞ്ചാവുമായി 2 ബംഗാൾ സ്വദേശികൾ പൊലീസിന്റെ പിടിയിൽ. കൊൽക്കത്ത മുർഷിദാബാദ് ജോളങ്കി മോൺഡുൾ സ്വദേശി എസ്.ഷിട്ടു (30), സമീപവാസി എച്ച്.രാഹുൽ (18) എന്നിവരാണു പിടിയിലായത്.
ഇന്നലെ രാവിലെ 10നു കൊട്ടാരക്കര കെഎസ്ആർടിസി സ്റ്റാൻഡിൽ നിന്നാണ് ഇരുവരെയും പിടികൂടിയത്.
കോയമ്പത്തൂരിൽ നിന്നു കഞ്ചാവ് വാങ്ങി ട്രെയിനിൽ തിരുവല്ലയിൽ എത്തി അവിടെ നിന്നു ബസിൽ കൊട്ടാരക്കരയിലേക്കു വരികയായിരുന്നു ഇവർ. 4 ലക്ഷത്തോളം രൂപ ഇതിനു വിലവരും.
തറയോടു പാകുന്ന തൊഴിൽ ചെയ്യുന്ന ഇവർ എറണാകുളത്തു താമസിച്ചു വരികയായിരുന്നു എന്നാണു പൊലീസിന് നൽകിയ മൊഴി. പ്രതികളെ പൊലീസ് വിശദമായി ചോദ്യം ചെയ്തു വരികയാണ്. ഡാൻസാഫ് എസ്ഐ ജ്യോതിഷ് ചെറവൂരിന്റെ നേതൃത്വത്തിലാണു പരിശോധന നടത്തിയത്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
