മൂലമറ്റം∙ ടൂറിസം സാധ്യതകൾ ഏറെയുള്ള മൂലമറ്റം ത്രിവേണി സംഗമത്തിലെ തൂക്കുപാലം പൊളിക്കാൻ നീക്കം. തൂക്കുപാലം അപകടത്തിലാണെന്നുകാട്ടി ദുരന്തനിവാരണ നിവാരണ വകുപ്പ് പ്രകാരം തൂക്കുപാലം പൊളിച്ചുനീക്കാനാണ് ജില്ലാ കലക്ടറുടെ ഓഫിസിൽ നിന്നു കത്തയച്ചിരിക്കുന്നത്.
വൈകാതെ തൂക്കുപാലം പൊളിച്ചുനീക്കും.പാലത്തിനു ബലക്ഷയമുള്ളതിനാൽ എത്രയും വേഗം പൊളിച്ചുനീക്കണമെന്നാണ് തീരുമാനമെന്നാണ് സൂചന. ഇതിനായി സമീപത്തെ രണ്ടു വീടുകൾ ഒഴിപ്പിക്കാനും നീക്കമുണ്ട്.
എന്നാൽ ഇവിടെ ഒരു ഏജൻസിയും എത്തി പാലം പരിശോധന നടത്തിയില്ലെന്നാണ് പ്രദേശവാസികൾ പറയുന്നത്. പാലം പൊളിക്കാനുള്ള രഹസ്യനീക്കത്തിന്റെ ഭാഗമാണ് ഇപ്പോൾ ഇത്തരത്തിലൊരു നീക്കമെന്നാണ് സൂചന.
പ്രതിദിനം ഒട്ടേറെ ആളുകളാണ് ത്രിവേണി സംഗമവും തൂക്കുപാലവും കാണാനായി എത്തുന്നത്.
മൂലമറ്റത്തിന്റെ ഹൃദയഭാഗത്തുകൂടി ഒഴുകുന്ന കനാൽ ത്രിവേണി സംഗമത്തിലെത്തും. വൈദ്യുതി ഉൽപാദനം കഴിഞ്ഞു പുറംതള്ളുന്ന വെള്ളവും നച്ചാറും വലിയയാറിന്റെയും സംഗമമാണ് ത്രിവേണി.
ഒട്ടേറെ ആളുകളുടെ ഇഷ്ടസ്ഥലമാണ് ത്രിവേണി സംഗമം. കനാലിന്റെയും രണ്ടു ആറുകളുടെയും സംഗമസ്ഥാനമായ ഇവിടം എന്നും ജലസമൃദ്ധമാണ്.
തൂക്കുപാലത്തിൽ നിന്നു ത്രിവേണി സംഗമം കാണാനാണ് ആളുകളേറെയും എത്തുന്നത്.
ഇവിടെ പുതിയ കോൺക്രീറ്റ് പാലം നിർമിക്കാൻ നടപടിയായിരിക്കുകയാണ്. ഇതാണ് തൂക്കുപാലം പൊളിക്കാൻ നീക്കത്തിനു കാരണം.
ത്രിവേണി സംഗമത്തിൽ അടുത്തയിടെ ഒട്ടേറെ അപകടങ്ങളുണ്ടായതിനാൽ വെള്ളത്തിലിറങ്ങാൻ ആളുകൾ എത്തുന്നില്ല. ഇതിനുപുറകെ തൂക്കുപാലം കൂടി അപ്രത്യക്ഷമായാൽ ത്രിവേണിയുടെ ടൂറിസം സാധ്യതകൾക്ക് മങ്ങലേൽപിക്കും.
ഇത് ഒഴിവാക്കാൻ ത്രിവേണി സംഗമത്തിന്റെ കാഴ്ച മറയാത്ത രീതിയിൽ തൂക്കുപാലം നിലനിർത്തണമെന്നാണ് നാട്ടുകാരുടെ ആവശ്യം. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
