കോഴിക്കോട്∙ ലഹരിക്കെതിരെ പൊലീസ് വീണ്ടും ‘നൊ നെവർ’ ക്യാംപെയ്ൻ സജീവമാക്കി. പല തവണകളായി നഗരത്തിലേക്ക് ലഹരി മരുന്നു കടത്തിയ യുവാവിനെ പൊലീസ് പിടികൂടി.
പൊക്കുന്ന് സ്വദേശി പുളിക്കൽ വീട്ടിൽ അരുൺ കുമാറിനെ(കുമാരി –28) ആണ് മെഡിക്കൽ കോളജ് പൊലീസും ഡാൻസാഫ് സ്ക്വാഡും അറസ്റ്റ് ചെയ്തത്. 200 ഗ്രാം എംഡിഎംഎ കണ്ടെടുത്തു.
ഇതോടെ ഒരു ആഴ്ചയ്ക്കിടെ നഗരത്തിൽ നിന്ന് 5 പ്രതികൾ ഉൾപ്പെടെ ഒരു കിലോ എംഡിഎംഎ ആണ് പിടികൂടിയത്.
പ്രതി കോവൂർ ഓർഫനേജ് ഹോം സമീപം വാടകയ്ക്ക് താമസിക്കുന്ന വിവരം ലഭിച്ചതിനെത്തുടർന്ന് പൊലീസ് നിരീക്ഷണം നടത്തിയിരുന്നു. തുടർന്ന് സിറ്റി നാർകോട്ടിക് സെൽ അസിസ്റ്റന്റ് കമ്മിഷണർ കെ.എ.ബോസിന്റെ നേതൃത്വത്തിൽ മെഡിക്കൽ കോളജ് എസ്ഐ ബബിതയും പൊലീസ് സംഘവും പിടികൂടുകയായിരുന്നു.
പ്രതി 2022ൽ മുത്തങ്ങ ചെക്ക് പോസ്റ്റിൽ ബെംഗളൂരുവിൽ നിന്ന് കൊണ്ടുവരികയായിരുന്ന 300 ഗ്രാം എംഡിഎംഎയുമായി എക്സൈസ് പിടികൂടിയിരുന്നു.
ഈ കേസിൽ ജാമ്യത്തിൽ ഇറങ്ങി. പിന്നീട് കഴിഞ്ഞ ഏപ്രിലിൽ എംഡിഎംഎ വിൽപന നടത്തുന്നതിനിടെ ഗോവിന്ദപുരം നാരങ്ങാളി അമ്പലത്തിനു സമീപം 12 ഗ്രാം എംഡിഎംഎയുമായി മെഡിക്കൽ കോളജ് പൊലീസ് പിടികൂടിയിരുന്നു.
ഈ കേസിലും ജാമ്യത്തിൽ ഇറങ്ങി. വീണ്ടും വിൽപനയ്ക്കെത്തിയപ്പോഴാണ് പിടിയിലായത്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
