വടകര∙ ദേശീയപാതയിൽ മത്സരയോട്ടത്തിനിടയിൽ സ്വകാര്യ ബസ് ഇടിച്ച് സ്കൂട്ടർ യാത്രികരായ 2 പേർക്ക് ഗുരുതരമായി പരുക്കേറ്റു. വടകര കിഴക്കയിൽ ആദർശ് സൂര്യ (25), കുരിയാടി തെയ്യത്താം തെങ്ങിൽ ആദിത്യ (23) എന്നിവരെ സ്വകാര്യ ആശുപത്രിയിൽ പ്രവേശിപ്പിച്ചു.
മറ്റൊരു ബസിനെ മറികടക്കാനുള്ള ശ്രമത്തിൽ ഏതിരെ വന്ന സ്കൂട്ടറിൽ ഇടിക്കുകയായിരുന്നു. സ്കൂട്ടർ ബസിന് അടിയിൽപ്പെട്ട് പൂർണമായി തകർന്നു. ഇടിയുടെ ആഘാതത്തിൽ ഇരുവരും തെറിച്ചു വീഴുകയായിരുന്നു.
ഇന്നലെ വൈകിട്ട് 6.30 ന് പെരുവാട്ടുംതാഴ ബേബി മെമ്മോറിയൽ ആശുപത്രിക്ക് സമീപത്ത് വച്ചാണ് അപകടം. കണ്ണൂരിൽ നിന്നു കോഴിക്കോട്ടേക്ക് പോകുകയായിരുന്ന സ്വകാര്യ ബസ് റോഡിൽ നിന്നു മാറി മൺറോഡിലൂടെ പോകുന്നതിനിടയിലാണ് അപകടം.
സ്ഥലത്ത് എത്തിയ പൊലീസും അഗ്നി രക്ഷാസേനയും ചേർന്നാണ് ബസിന് അടിയിൽ കുടുങ്ങിയ സ്കൂട്ടർ പുറത്ത് എടുത്തത്. ബസ് യാത്രക്കാരായ ഏതാനും പേർക്ക് നിസ്സാര പരുക്കേറ്റു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
