താമരശ്ശേരി ∙ ചുരത്തിൽ നിർത്തിവച്ചിരുന്ന നവീകരണ പ്രവൃത്തി പുനരാരംഭിച്ചു. പ്രവൃത്തി നടക്കുന്ന രാവിലെ 8 മുതൽ വൈകിട്ട് 6 വരെ വാഹനങ്ങൾക്കു നിയന്ത്രണം ഏർപ്പെടുത്തി.
ഇതോടെ വാഹനങ്ങൾ ചുരത്തിൽ കുടുങ്ങി യാത്രക്കാർ ദുരിതത്തിലായി. ദേശീയപാത അധികൃതരുടെ ആവശ്യപ്രകാരം മൾട്ടി ആക്സിൽ വാഹനങ്ങളും ഭാരവാഹനങ്ങളും നാടുകാണി ചുരം വഴിയും കുറ്റ്യാടി ചുരം വഴിയും തിരിച്ചുവിട്ടു. വൈകിട്ട് റോഡ് പണി നിർത്തിയതോടെ വീണ്ടും വാഹനങ്ങളുടെ തിരക്കായി.
റോഡ് തകർന്നു കുണ്ടും കുഴിയുമായ സ്ഥലങ്ങളിലെ അറ്റകുറ്റപ്പണി ഇന്നലെ അടിവാരം മുതൽ 7ാം വളവ് വരെ പൂർത്തിയായി.
വനം വകുപ്പ് വിട്ടുനൽകിയ സ്ഥലത്ത് നിന്നു മുറിച്ചിട്ട മരങ്ങൾ നീക്കം ചെയ്യുന്ന പണിയും ഇന്നലെ രാവിലെ ആരംഭിച്ചു. റോഡരികിൽ മുറിച്ചിട്ട
മരങ്ങൾ ക്രെയിൻ ഉപയോഗിച്ച് ലോറിയിൽ കയറ്റി കൈതപ്പൊയിലിൽ എത്തിക്കുകയാണ്. ഇതു കഴിഞ്ഞ ശേഷമേ വളവുകൾ വീതികൂട്ടിയുള്ള പുതിയ സുരക്ഷാ ഭിത്തി നിർമാണം ആരംഭിക്കുക.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
