തിരുവനന്തപുരം∙ വിദ്യാലയങ്ങൾ അക്ഷരങ്ങൾ പഠിക്കാൻ മാത്രമുള്ള ഇടങ്ങളല്ല, മറിച്ച് സഹവർത്തിത്വം പഠിക്കാനുള്ള ഇടങ്ങൾകൂടിയാണെന്നും അവിടെ എല്ലാ ആഘോഷങ്ങളും വേണമെന്നും മന്ത്രി വി ശിവൻകുട്ടി. പൂജപ്പുര ഗവ.
യുപി സ്കൂളിലെ ക്രിസ്മസ് ആഘോഷത്തിൽ കുട്ടികളോട് സംസാരിക്കുകയായിരുന്നു മന്ത്രി. ചില സ്കൂളുകൾ ക്രിസ്മസ് നടത്തില്ലെന്ന് തീരുമാനിച്ചിരുന്നു.
അതുകൊണ്ടാണ് താൻ തന്നെ നേരിട്ടുവന്ന് ആഘോഷത്തിൽ പങ്കെടുക്കുന്നത്.
ഓണം, ക്രിസ്മസ്, പെരുന്നാൾ എന്നിങ്ങനെ എല്ലാം നമ്മളെല്ലാം ആഘോഷിക്കണമെന്നും മന്ത്രി കുട്ടികളോട് പറഞ്ഞു. കേക്ക് മുറിച്ച് മന്ത്രി മധുരവും പങ്കിട്ടു.
സ്കൂളിനു വേണ്ടി പിക്സ് സൊല്യൂഷൻ നൽകിയ അഞ്ച് കംപ്യൂട്ടർ മന്ത്രി ഏറ്റുവാങ്ങി. കുട്ടികൾക്കും അധ്യാപകർക്കുമെല്ലാം ക്രിസ്മസ്-പുതുവത്സര ആശംസകൾ നേർന്നാണ് മന്ത്രി മടങ്ങിയത്.
ചലച്ചിത്ര പിന്നണി ഗായകൻ പട്ടം സനിത്ത്, എസ്സിഇആർടി അധ്യക്ഷൻ ഡോ. ആർ കെ ജയപ്രകാശ്, പിടിഎ പ്രസിഡന്റ് ഫാത്തിമ ശിവപ്രസാദ്, ഹെഡ്മാസ്റ്റർ ടി കെ ഷാഫി, അധ്യാപിക സംഗീത ബോസ് എന്നിവർ പങ്കെടുത്തു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
