കതിനയ്ക്കുള്ള വെടിമരുന്ന് പൊട്ടിത്തെറിച്ച് പരുക്കേറ്റയാൾ മരിച്ചു

പോത്തൻകോട്∙ ക്ഷേത്രത്തിലേക്കുള്ള കതിനയ്ക്കായി വീട്ടിലെ വരാന്തയിൽ ഉണക്കാനിട്ടിരുന്ന വെടിമരുന്ന് പൊട്ടിത്തെറിച്ചുണ്ടായ അപകടത്തിൽ പരുക്കേറ്റു ചികിത്സയിൽ കഴിഞ്ഞയാൾ മരിച്ചു. കാട്ടായിക്കോണം വാഴവിള ആജ്ഞനേയത്തിൽ ബാലകൃഷ്ണൻ നായർ (55) ആണ് മരിച്ചത്.

നവംബർ 23ന് രാവിലെ 11ന് ആയിരുന്നു അപകടം. മഴകാരണം നനഞ്ഞിരുന്ന കരിമരുന്ന് സിറ്റൗട്ടിൽ ഉണക്കാനിട്ട

ശേഷം ഉറ നിർമാണത്തിനുള്ള കമ്പികൾ മുറിക്കുകയായിരുന്നു ബാലകൃഷ്ണൻ.
കമ്പി മുറിക്കുന്ന കട്ടറിൽ നിന്നു തീപ്പൊരി വീണാണു വെടിമരുന്ന് പൊട്ടിത്തെറിച്ചത്. അപകടത്തിൽ 50 ശതമാനത്തിലേറെ പൊള്ളലേറ്റു മെഡിക്കൽകോളജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിൽ ആയിരുന്ന ബാലകൃഷ്ണൻ ഇന്നലെ മരിച്ചു.

ശൈലജയാണ് ബാലകൃഷ്ണന്റെ ഭാര്യ. മക്കൾ: അരവിന്ദ്,ആനന്ദ്.

സഞ്ചയനം 25നു രാവിലെ 8.30ന്. … FacebookTwitterWhatsAppTelegram