രജനികാന്ത് നായകനായെത്തിയ നെൽസൻ ചിത്രം ‘ജയിലർ’ വൻ തരംഗമാണ് സൃഷ്ടിച്ചത്. തിയേറ്ററിൽ വമ്പൻ കളക്ഷൻ നേടിയ ചിത്രം ഈയടുത്ത് ഒ.ടി.ടിയിലും എത്തിയിരുന്നു. മുത്തുവേൽ പാണ്ഡ്യൻ എന്ന ജയിലറുടെ വേഷത്തിലാണ് രജനികാന്ത് ചിത്രത്തിലെത്തിയത്.
ഇപ്പോഴിതാ തിയേറ്റകളെ പൂരപ്പറമ്പാക്കിയ ടെെഗർ മുത്തുവേലിന്റെ ട്രാൻസ്ഫോമേഷൻ രംഗം പുറത്തുവിട്ടിരിക്കുകയാണ് അണിയറപ്രവർത്തകർ. ചിത്രത്തിലെ ചില മാസ് രംഗങ്ങൾ വീഡിയോയിൽ കാണാം. അനുരുദ്ധിന്റെ പശ്ചാത്തല സംഗീതമാണ് വീഡിയോയുടെ ഹെെലെെറ്റ്.
സൺ പിക്‌ചേഴ്‌സിന്റെ ബാനറിൽ കലാനിധി മാരൻ നിർമിക്കുന്ന ‘ജയിലർ’ ഓഗസ്റ്റ് 10-നാണ് തിയേറ്ററുകളിൽ എത്തിയത്. മോഹൻലാൽ രജനീകാന്തിനൊപ്പം ആദ്യമായി അഭിനയിച്ച ചിത്രം കൂടിയാണിത്. രജനിയുടെ 169-ാം ചിത്രം കൂടിയാണ് ‘ജയിലർ’. മലയാളം ഉൾപ്പടെ അഞ്ച് ഭാഷകളിലാണ് ചിത്രം ഒ.ടി.ടിയിലെത്തിയത്. 600 കോടിയിലധികമാണ് ചിത്രം തിയേറ്ററിൽ നിന്ന് നേടിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
വിജയ് നായകനായെത്തിയ ബീസ്റ്റ് എന്ന ചിത്രത്തിന് ശേഷം നെൽസൻ സംവിധാനം ചെയ്യുന്ന ചിത്രം കൂടിയാണ് ‘ജയിലർ’. തമന്ന, രമ്യ കൃഷ്ണൻ, വിനായകൻ, ജാക്കി ഷ്‌റോഫ്, സുനിൽ തുടങ്ങിയ വമ്പൻ താരനിരയാണ് ചിത്രത്തിൽ അണിനിരക്കുന്നത്. അനിരുദ്ധ് ചിത്രത്തിന്റെ സംഗീത സംവിധാനം നിർവഹിക്കുന്നു.
