ടേക് എ ബ്രേക്കിനു പൂട്ട് വീണിട്ട് 3 വർഷം ഇതു വല്ലാത്ത ‘ബ്രേക്ക് ’ ആയിപ്പോയി

തൊടുപുഴ∙ കുമാരമംഗലം പഞ്ചായത്തിലെ വെങ്ങല്ലൂർ ഊന്നുകൽ അടിമാലി റൂട്ടിൽ എംവിഐപി കനാലിനു സമീപമുള്ള ടേക് എ ബ്രേക്കിനു പൂട്ട് വീണിട്ട് 3 വർഷം പിന്നിട്ടു. 20 ലക്ഷം രൂപ മുടക്കി 2022 ആണ് പൊതുശുചിമുറി പ്രവർത്തനം ആരംഭിച്ചത്.  തുടക്കത്തിൽ കുടുംബശ്രീക്കു കരാർ നൽകിയതിനെ തുടർന്ന് ഹരിത കർമസേനയുടെ നേതൃത്വത്തിൽ 2 മാസത്തോളം ശുചിമുറി പ്രവർത്തിച്ചിരുന്നു.

എന്നാൽ ഹരിതസേന അംഗങ്ങൾക്ക് പ്രവർത്തനം മുന്നോട്ടു കൊണ്ടുപോകാൻ കഴിയാതെ വന്നതോടെ കരാർ ഉപേക്ഷിക്കുകയായിരുന്നു. ഇതോടെ ശുചിമുറിക്കു പൂട്ടു വീണു. 
പൊതുജനങ്ങളെ കൂടാതെ ഒട്ടേറെ വിനോദസഞ്ചാരികൾക്കു കൂടി ഉപയോഗപ്രദമായ ശുചിമുറിയാണ് ഉപയോഗശൂന്യമായി കിടക്കുന്നത്.

ശുചിമുറിക്കു സമീപം വാഹനങ്ങൾ പാർക്ക് ചെയ്യാൻ അത്യാവശ്യം സ്ഥലമുള്ളതിനാൽ യാത്രക്കാർക്കു ഇത് ഏറെ ഉപയോഗപ്രദമാണ്.  നിലവിൽ ശുചിമുറിയുടെ പരിസരം കുറ്റിച്ചെടികൾ വളർന്ന് കാടുപിടിച്ച അവസ്ഥയാണ്. അതേസമയം ഇതുവരെ പുതിയ കരാറുകാരെ കണ്ടെത്തി ശുചിമുറി തുറക്കാനുള്ള നടപടി പഞ്ചായത്ത് അധികൃതർ സ്വീകരിക്കുന്നില്ലെന്നാണ് യാത്രക്കാരുടെ പരാതി.
പുതിയ കരാറുകാരുടെ ടെൻഡർ നടപടികൾ പുരോഗമിക്കുകയാണ്.

ഇതിന്റെ ടെൻഡർ നടപടികൾ ഉൾപ്പെടെ പൂർത്തിയായി. അടുത്ത ആഴ്ച പണി ആരംഭിക്കും.
ഗ്രേസി തോമസ്, പ്രസിഡന്റ്, കുമാരമംഗലം പഞ്ചായത്ത് …