അരൂർ∙തുറവൂർ–അരൂർ ഉയരപ്പാതയുടെ ഇരുവശങ്ങളിലും വൈദ്യുതി കമ്പികൾക്ക് പകരം അണ്ടർ ഗ്രൗണ്ട്(യുജി),ഏരിയൽ ബഞ്ച്ഡ് (എബി) കേബിളുകൾ സ്ഥാപിക്കുന്ന ജോലി അവസാന ഘട്ടത്തിലേക്ക്. പാതയോരത്തുള്ള കെട്ടിടങ്ങളുമായി 2 മീറ്ററിൽ അധികം അകലമുള്ള ഭാഗത്ത് ഭൂഗർഭ കേബിളും 2 മീറ്റർ താഴെ അകലമുള്ള ഭാഗങ്ങളിൽ ഏരിയൽ ബഞ്ച്ഡ് കേബിളുമാണ് സ്ഥാപിക്കുന്നത്.
അരൂർ –തുറവൂർ പാതയിൽ പാതയുടെ കിഴക്കുഭാഗത്ത് കേബിളുകൾ സ്ഥാപിക്കുന്നത് 100 ശതമാനം പൂർത്തിയായി. പാതയുടെ പടഞ്ഞാറു ഭാഗത്ത് കണ്ണുകുളങ്ങര മുതൽ അരൂർ ബൈപാസ് കവല വരെയുള്ള ഭാഗത്ത് 11കെവി കേബിളുകൾ സ്ഥാപിക്കുന്ന ജോലി 80 ശതമാനം കടന്നു.
എന്നാൽ ചന്തിരൂരിൽ അരൂർ പൊലീസ് സ്റ്റേഷന് സമീപത്തെ വൈദ്യുതി കേബിളുകൾ പോകുന്നയിടങ്ങളിൽ സ്ഥലമെടുപ്പുമായി ബന്ധപ്പെട്ടുള്ള തർക്കം മൂലം ഏതാനും ദിവസം പണികൾ തടസ്സപ്പെട്ടിരുന്നു. കഴിഞ്ഞ ദിവസം മുതൽ ഈ ഭാഗത്ത് ജോലി തുടങ്ങി.പാതയോരത്തെ പഴയ വൈദ്യുതി പോസ്റ്റുകൾ നീക്കം ചെയ്ത് പുതിയ പോസ്റ്റുകൾ സ്ഥാപിച്ച് കേബിൾ വലിച്ചു തുടങ്ങി.
ചന്തിരൂർ സ്കൂളിനു സമീപം കോൺക്രീറ്റ് ഗർഡറുകൾ ഒറ്റത്തൂണിന് മുകളിൽ കയറ്റുന്നത് ക്രെയിൻ ഉപയോഗിച്ചാണ്. ലോഞ്ചിങ് ഗാൻട്രിയുടെ സഹായത്തോടെയാണ് മറ്റു ഭാഗങ്ങളിൽ ഗർഡറുകൾ സ്ഥാപിച്ചിരുന്നത്.
അരൂർ ബൈപാസ് കവല, ചന്തിരൂർ എന്നിവിടങ്ങളിൽ ഉയരപ്പാതയ്ക്കു കുറുകെ കേബിളുകൾ സ്ഥാപിക്കുന്ന പണിയും നടക്കുന്നു.
ചന്തിരൂരിൽ 66 കെവി യുജി കേബിളുകൾ സ്ഥാപിച്ചു. അരൂർ ബൈപാസ് കവലയ്ക്കു സമീപം സംസ്ഥാന പാതയുമായി ബന്ധിപ്പിക്കുന്ന റോഡിന് കുറുകെ 110 കെവി ലൈൻ ഏരിയൽ ബഞ്ച്ഡ് കേബിളുകൾ സ്ഥാപിക്കുന്നതിനായി പാതയുടെ ഇരുവശങ്ങളിലും ടവറുകൾ ഉയർത്തി. കേബിളുകൾ സ്ഥാപിച്ച് ലൈൻ ചാർജ് ചെയ്തതിനു ശേഷം വീണ്ടും പാതയിൽ നിലവിലുള്ള വൈദ്യുതി കമ്പികൾ അഴിച്ചു നീക്കുന്ന ജോലിയും തുടങ്ങും.
വൈദ്യുതി കമ്പികൾക്ക് പകരം കേബിളുകൾ സ്ഥാപിച്ച ഭാഗങ്ങളിൽ താൽക്കാലികമായി വൈദ്യുതി കടത്തിവിടാൻ വൈദ്യുതി വകുപ്പ് അരൂർ സെക്‌ഷൻ ഓഫിസിന് അനുമതി നൽകിയിട്ടുണ്ട്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
