തിരുവല്ല ∙ കെ.സി. മാമ്മൻ മാപ്പിള ട്രോഫിക്ക് വേണ്ടിയുള്ള പമ്പ ജലമേളയുടെ മുന്നോടിയായി തിരുവല്ല നഗരസഭാ സ്റ്റേഡിയത്തിൽ നടത്തുന്ന കുട്ടനാട് പൂരം @ തിരുവല്ല കാർണിവൽ ശ്രദ്ധേയമാകുന്നു.
കുട്ടനാട് പൂരം തിരുവല്ല മെഗാ കാർണിവലിൽ ഇന്ന് വൈകിട്ട് 5ന് കലാ സന്ധ്യ സിനിമാതാരം ജയൻ ചേർത്തല ഉദ്ഘാടനം ചെയ്യും. തുടർന്ന് കൊച്ചിൻ തരംഗ ബീറ്റ്സിന്റെ ഗാനമേള .
11 മണി മുതൽ പ്രവേശനമുണ്ട്. നഗറിൽ മലയാള മനോരമ ഒരുക്കിയിരിക്കുന്ന ഫോട്ടോ പ്രദർശനവും ഉണ്ട്.
അമ്യൂസ്മെന്റ് പാർക്ക് രാത്രി പത്തര വരെ നടക്കും.
ഡോ. എം.എസ് സ്വാമിനാഥൻ അനുസ്മരണ ദിനം ഇതോടനുബന്ധിച്ചു നടത്തും.
കാർഷിക നേതാക്കളും മുൻ മന്ത്രിയുമായ കെ.എം.മാണി, ഇ.ജോൺ ജേക്കബ്, സി.എഫ്. തോമസ്, കെ.നാരായണക്കുറുപ്പ്, മുൻ എംഎൽഎമാരായ മാമ്മൻ മത്തായി, തോമസ് ചാണ്ടി, പി.സി.തോമസ്, വയലാ ഇടിക്കുള, പി.ചാക്കോ, ഡോ.ജോർജ് മാത്യു, ടി.എസ്.ജോൺ എന്നിവരുടെ പ്രത്യേക അനുസ്മരണ സമ്മേളനം നടത്തും.
കോട്ടയം, ആലപ്പുഴ പത്തനംതിട്ട
ജില്ലയിലെ കർഷക തൊഴിലാളികളെയും പഞ്ചായത്തുകളെയും കുടുംബശ്രീ യൂണിറ്റുകളെയും പങ്കെടുപ്പിച്ച് കൊണ്ടുള്ള വിവിധ ഓണാഘോഷ പരിപാടികൾ, കാർഷിക ആരോഗ്യ, പരിസ്ഥിതി, വനിത, ജൈവകാർഷിക , ലഹരി വിരുദ്ധ, ട്രാഫിക് ബോധവൽകരണ, മാധ്യമ സെമിനാർ, മതസൗഹാർദ സമ്മേളനം എന്നിവ ഇതോടനുബന്ധിച്ച് നടക്കും. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
