തൃക്കരിപ്പൂർ ∙ തങ്കയം എഎൽപി സ്കൂളിനു സമീപം കാറും ഓട്ടോറിക്ഷയും കൂട്ടിയിടിച്ചു. ഡ്രൈവർ ഉൾപ്പെടെ 2 പേർക്ക് പരുക്ക്.
തൃക്കരിപ്പൂർ ടൗണിലെ ഓട്ടോറിക്ഷ ഡ്രൈവർ കാവില്യാട്ടെ സി.എച്ച്.അസ്സിനാർ (61), റിക്ഷയിലെ യാത്രക്കാരി ഇളമ്പച്ചി തലിച്ചാലത്തെ എ.രജനി (34) എന്നിവർക്കാണ് പരുക്ക്.കാറിന്റെ ഇടിയുടെ ആഘാതത്തിൽ തകർന്ന ഓട്ടോറിക്ഷയിൽ കുടുങ്ങിയ അസ്സിനാറിനെ നടക്കാവിൽ നിന്നെത്തിയ അഗ്നിരക്ഷാസേന വെട്ടിപ്പൊളിച്ചാണ് പുറത്തെടുത്തത്. ഇരു കാലുകളുടെയും തുടയെല്ലുകൾ തകർന്ന അസ്സിനാറിനെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
രജനിയെ പയ്യന്നൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. അമിത വേഗത്തിൽ വന്ന കാർ ഒന്നിലേറെ വാഹനങ്ങളിൽ ഇടിച്ചെന്ന പരാതിയുണ്ട്.
മറ്റൊരു ഓട്ടോറിക്ഷയിലും കാർ ഇടിച്ചതിനെ തുടർന്നു നിയന്ത്രണം നഷ്ടപ്പെട്ട ഓട്ടോറിക്ഷയിലെ യാത്രക്കാരായ 3 സ്ത്രീകൾ തെറിച്ചു വീണു പരുക്കേൽക്കുകയും ചികിത്സ നൽകി വിട്ടയച്ചു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
