വീട്ടുമുറ്റത്ത് നിർത്തിയിട്ടിരുന്ന ഓട്ടോസാമൂഹ്യവിരുദ്ധർ തീവച്ച് നശിപ്പിച്ചു; തീയിട്ടത് വൈദ്യുതി മുടങ്ങിയ സമയത്ത്

രാജാക്കാട്∙  കാെച്ചുമുല്ലക്കാനത്ത് വീട്ടുമുറ്റത്ത് നിർത്തിയിട്ടിരുന്ന ഓട്ടോറിക്ഷ സാമൂഹ്യ വിരുദ്ധർ തീ വച്ച് നശിപ്പിച്ചു. വിമലപുരം ചൂഴിക്കരയിൽ രാജേഷിന്റെ ഓട്ടോറിക്ഷയാണ് നശിപ്പിച്ചത്.

രാജേഷിന്റെ വീട്ടിലേക്ക് റോഡില്ലാത്തതിനാൽ അയൽവാസിയുടെ വീട്ടുമുറ്റത്താണ് ഓട്ടോറിക്ഷ നിർത്തിയിട്ടിരുന്നത്.     ചാെവ്വാഴ്ച അർധരാത്രിക്ക് ശേഷമാണ് ഓട്ടോറിക്ഷയ്ക്ക് തീയിട്ടത്. ഇൗ സമയത്ത് പ്രദേശത്ത് വൈദ്യുതി മുടങ്ങിയിരുന്നു. കഴിഞ്ഞ വർഷം സെപ്റ്റംബറിലും ഇതേ വാഹനം സാമൂഹ്യവിരുദ്ധർ തീയിട്ട് നശിപ്പിച്ചിരുന്നു.     ഇൗ സംഭവത്തിലും പ്രതികളെ ഇതുവരെ കണ്ടെത്താനായിട്ടില്ല.     തുടർന്ന് രാജേഷ് ഓട്ടോറിക്ഷ നിർത്തിയിടുന്നതിന് സമീപം സിസിടിവി ക്യാമറ സ്ഥാപിച്ചിരുന്നു.    എന്നാൽ വൈദ്യുതി മുടങ്ങിയ സമയത്താണ് ആരോ ഓട്ടോറിക്ഷ നശിപ്പിച്ചത്.

രാജേഷ് രാജാക്കാട് പാെലീസിൽ പരാതി നൽകി. …