ഡാര്‍വിന്‍: ദക്ഷിണാഫ്രിക്കയ്‌ക്കെതിരെ ആദ്യ ടി20യില്‍ ഓസ്‌ട്രേലിയയെ മികച്ച സ്‌കോറിലേക്ക് നയിച്ചത് ടിം ഡേവിന്റെ ഇന്നിംഗ്‌സായിരുന്നു. മുന്‍നിരയും മധ്യനിരയും ഒരുപോലെ പരാജയപ്പെട്ടപ്പോള്‍ ഡേവിഡിന്റെ ഒറ്റയാള്‍ പോരാട്ടം ഓസീസിനെ 178 എന്ന സ്‌കോറിലേക്ക് നയിച്ചു.
52 പന്തില്‍ നിന്ന് 83 റണ്‍സാണ് ഡേവിഡ് അടിച്ചെടുത്തത്. ഇതില്‍ എട്ട് സിക്‌സും നാല് ഫോറുമുണ്ടായിരുന്നു.
അതിലൊരു സിക്‌സാണ് ഇപ്പോള്‍ സോഷ്യല്‍ മീഡിയയില്‍ തരംഗമായിരിക്കുന്നത്. ഡേവിഡിന്റെ ഒരു സിക്‌സ് നേരെ ചെന്നുവീണത് കാണികള്‍ക്ക് ഇടയിലേക്കാണ്.
കാണികളിലൊരാള്‍ പന്ത് ഒറ്റകയ്യില്‍ ഒതുക്കുകയായിരുന്നു. വലങ്കയ്യില്‍ രണ്ട് ബിയര്‍ കാനുകള്‍ പിടിച്ച്, ഇടങ്കയ്യുകൊണ്ട് പന്ത് കയ്യിലൊതുക്കുകയായിരുന്നു.
ഈ വര്‍ഷത്തെ ഏറ്റവും മികച്ച ക്രൗഡ് ക്യാച്ച് എന്നാണ് ക്രിക്കറ്റ് ഓസ്‌ട്രേലിയ വിശേഷിപ്പിച്ചത്. വിസ്മയ ക്യാച്ചിന്റെ വീഡിയോ കാണാം… CALLING IT – BEST CROWD CATCH OF THE YEAR AND IT’S ONLY AUGUST!Two cans in one hand, Kookaburra in the other.
#AUSvSA pic.twitter.com/OHGSlI2y2w — cricket.com.au (@cricketcomau) August 10, 2025 ടിം ഡേവിഡിന് പുറമെ കാമറൂണ്‍ ഗ്രീന്‍ (35) ഭേദപ്പെട്ട പ്രകടനം പുറത്തെടുത്തു.
ദക്ഷിണാഫ്രിക്കക്ക് വേണ്ടി ക്വേന മഫാക്ക നാല് വിക്കറ്റ് വീഴ്ത്തി. കഗിസോ റബാദയ്ക്ക് രണ്ട് വിക്കറ്റുണ്ട്.
മൂന്ന് മത്സരങ്ങളുടെ പരമ്പരയില്‍ ആദ്യത്തേതാണ് ഇന്ന് നടക്കുന്നത്. രണ്ടാം ഓവറില്‍ തന്നെ ഓസീസിന് ആദ്യ വിക്കറ്റ് നഷ്ടമായി.
താളം കണ്ടെത്താന്‍ ബുദ്ധിമുട്ടിയ ട്രോവിസ് ഹെഡ് (2), റബാദയുടെ പന്തില്‍ ഷോര്‍ട്ട് തേര്‍ഡ്മാനില്‍ ക്വെന മഫാക്കയ്ക്ക് ക്യാച്ച് നല്‍കി. തുടര്‍ന്നെത്തിയ ജോഷ് ഇന്‍ഗ്ലിസ് (0) നേരിട്ട
ആദ്യ പന്തില്‍ തന്നെ പുറത്ത്. ലിന്‍ഡെയുടെ പന്തില്‍ ബാക്ക്‌വാര്‍ഡ് പോയിന്റില്‍ സെനുരന്‍ മുത്തുസാമിക്കായിരുന്നു ക്യാച്ച്.
നാലാം ഓവറില്‍ മിച്ചല്‍ മാര്‍ഷിനേയും (13) ഓസീസിന് നഷ്ടമായി. റബാദയ്‌ക്കെതിരെ ഹുക്ക് ഷോട്ടിന് ശ്രമിച്ച മാര്‍ഷിന് പിഴച്ചു.
മഫാക്കയുടെ കയ്യിലൊതുങ്ങുകയായിരുന്നു താരം. ഓസീസ് പ്രതിരോധത്തിലേക്ക് പോയെങ്കിലും ഗ്രീന്‍ – ഡേവിഡ് സഖ്യത്തിലൂടെ മത്സരത്തിലേക്ക് തിരിച്ചെത്തി.
ഇരുവരും ക്രീസിലെത്തിയ ഉടന്‍ തന്നെ ആക്രമിച്ച് കളിക്കാന്‍ തുടങ്ങി. 40 റണ്‍സാണ് ഇരുവരും അടിച്ചെടുത്തത്.
എന്നാല്‍ പവര്‍ പ്ലേയ്ക്ക് തൊട്ടുമുമ്പ് ഗ്രീന്‍ പുറത്തായി. ലുങ്കി എന്‍ഗിഡിയുടെ പന്ത് ഉയര്‍ത്തിയടിക്കാന്‍ ശ്രമിച്ച ഗ്രീനിന് നല്ല രീതിയില്‍ കണക്റ്റ് ചെയ്യാന്‍ സാധിച്ചില്ല.
വിക്കറ്റ് കീപ്പര്‍ റയാന്‍ റിക്കിള്‍ട്ടണ്‍ ക്യാച്ച്. ഇതോടെ 5.5 ഓവറില്‍ നാലിന് 70 എന്ന നിലയിലായി ഓസീസ്.
തുടര്‍ന്നെത്തിയ മിച്ചല്‍ ഓവന്‍ (2) മഫാക്കയുടെ പന്തില്‍ ബൗള്‍ഡായി. ഗ്ലെന്‍ മാക്‌സ്‌വെല്‍ (2) ആവട്ടെ മുത്തുസാമിക്കും വിക്കറ്റ് നല്‍കി.
തുടര്‍ന്ന് ഡേവിഡ് – ബെന്‍ ഡാര്‍ഷ്വിസ് (17) സഖ്യം 59 റണ്‍സ് കൂട്ടിചേര്‍ത്തു. ഇതുതന്നെയാണ് ഓസീസ് ഇന്നിംഗ്‌സിലെ ഏറ്റവും മികച്ച കൂട്ടുകെട്ട്.
15-ാം ഓവറില്‍ ഡാര്‍ഷ്വിസ് മടങ്ങിയെങ്കിലും വാലറ്റത്തെ കൂട്ടുപിടിച്ച് ഡേവിഡ് ഓസീസിനെ ഭേദപ്പെട്ട സ്‌കോറിലേക്ക് നയിച്ചു.
19-ാം ഓവറിലാണ് താരം മടങ്ങുന്നത്. 52 പന്തുകള്‍ നേരിട്ട
താരം എട്ട് സിക്‌സും നാല് ഫോറും നേടി. ആഡം സാംപ (1), നതാന്‍ എല്ലിസ് (12) എന്നിവരാണ് പുറത്തായ മറ്റുതാരങ്ങള്‍.
ജോഷ് ഹേസല്‍വുഡ് (0) പുറത്താവാതെ നിന്നു.
…
FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
