തോട്ടപ്പുഴശ്ശേരി ∙ മലങ്കര ഓർത്തഡോക്സ് സഭയുടെ വലിയ മെത്രാപ്പൊലീത്ത കുര്യാക്കോസ് മാർ ക്ലിമ്മീസ് തിരുമേനിയുടെ നവതി ആഘോഷവും ജൈവവൈവിധ്യ പരിസ്ഥിതി പ്രവർത്തക സംഗമവും ആദരണ സഭയും ജൂലൈ 27 വൈകിട്ട് 3ന് തോട്ടപ്പുഴശ്ശേരി മാരാമൺ ‘സമഷ്ടി’ ഓർത്തഡോക്സ് റിട്രീറ്റ് സെന്ററിൽ നടക്കും. ‘ഹരിതാശ്രമം’ പാരിസ്ഥിതിക ദാർശനിക ഗുരുകുലത്തിന്റെ ആഭിമുഖ്യത്തിൽ സംഘടിപ്പിക്കുന്ന ചടങ്ങിൽ എക്കോ ഫിലോസഫറും അതിവേഗ ചിത്രകാരനുമായ ഡോ.
ജിതേഷ്ജി അധ്യക്ഷത വഹിക്കും. പരിസ്ഥിതി പ്രവർത്തക സംഗമം കുര്യാക്കോസ് മാർ ക്ലിമ്മീസ് വലിയ തിരുമേനി ഉദ്ഘാടനം ചെയ്യും.
സംസ്ഥാന ഫോക്‌ലോർ അക്കാദമി അംഗം അഡ്വ.
സുരേഷ് സോമ ‘ഭൂമി ഗീതവും ബഹുഭാഷാ മൺപാട്ടുകളും’ അവതരിപ്പിക്കും. ഗാന്ധിഭവൻ സ്ഥാപകനും സെക്രട്ടറിയുമായ ഡോ.
പുനലൂർ സോമരാജൻ ആദരണ സഭ ഉദ്ഘാടനം ചെയ്യും. പ്രമുഖ ജൈവകൃഷി പ്രചാരകൻ കെ.വി.ദയാൽ മുഖ്യാതിഥിയാകും.
മലയാള മനോരമ അസി. എഡിറ്റർ വർഗീസ് സി.
തോമസ് മുഖ്യപ്രഭാഷണം നടത്തും. വർഗീസ് സി.
തോമസിനെ ‘ഹരിതാശ്രമം ഹരിതരത്ന-2025’ പുരസ്‌കാരം നൽകി ക്ലിമ്മീസ് തിരുമേനി ആദരിക്കും. ഗ്രീൻ ലീഫ് നേച്ചർ സംസ്ഥാന സെക്രട്ടറി അനിൽ വെമ്പള്ളി സൗജന്യ പച്ചക്കറി വിത്ത് വിതരണോദ്ഘാടനം നിർവഹിക്കും.
ബിജു മാത്യു കെ.സി.സ്വാഗതവും ഹരിതാശ്രമം എക്കോസഫി പ്രോഗ്രാം കോഓർഡിനേറ്റർ ജോബിൻ ജോസി നന്ദിയും പറയും.
മരുന്നു സസ്യ വൈവിധ്യ സംരക്ഷകൻ ശില സന്തോഷ്, നാടൻ പശു സംരക്ഷകൻ ഹരി വി. മഹാലക്ഷ്മി, ജൈവ വൈവിധ്യ സംരക്ഷണത്തിനുള്ള ഈ വർഷത്തെ സരോജനി- ദാമോദരൻ ഇൻഫോസിസ് പുരസ്കാര ജേതാവ് ജോജി തോമസ്, ഗിന്നസ് ബുക്കിൽ ഇടം നേടിയ കുഞ്ഞൻ ആടിന്റെ ഉടമയും ജൈവ വൈവിധ്യ സംരക്ഷകനുമായ ലെനു പീറ്റർ, ജൈവകൃഷി പ്രചാരകയും കേരള സർക്കാർ പൊതുവിദ്യാഭ്യാസ വകുപ്പിന്റെ സ്പെഷൽ എജ്യുക്കേഷൻ സംസ്ഥാന പുരസ്കാര ജേതാവുമായ പ്രിയ പി.
നായർ, സംസ്ഥാന വന മിത്ര പുരസ്കാര ജേതാവ് സുഗതൻ ശുരനാട്, പരിസ്ഥിതി പ്രവർത്തകനും മഹാത്മ ഹരിത ധർമസംഘം ജില്ലാ കോഓർഡിനേറ്ററുമായ ആർ.മധുസൂദനൻ, ഡയൽ കേരള എക്കോ ഫ്രണ്ട്‌ലി യൂട്യൂബർ പ്രജിൻ പ്രകാശ്, വന–വനവാസി സംരക്ഷണ പ്രവർത്തക രേഖ സ്നേഹപ്പച്ച, ജൈവ വൈവിധ്യ സംരക്ഷകനും തട്ട നന്ദന ഫാം ഉടമയുമായ ചിക്കു നന്ദന എന്നിവരെ ‘ഹരിതാശ്രമം എക്കോസഫി പരിസ്ഥിതി- ജൈവ വൈവിധ്യ’ പുരസ്‌കാരങ്ങൾ നൽകി ആദരിക്കും.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
