കേച്ചേരി∙ ചൂണ്ടലിൽ നിയന്ത്രണം വിട്ട സ്വകാര്യ ബസ് റോഡരികിലെ കാനയിലേക്ക് ചെരിഞ്ഞ് ബസിലെ യാത്രക്കാരായ 3 പേർക്ക് പരുക്കേറ്റു.ആരുടെയും പരുക്ക് ഗുരുതരമല്ല.
പരുക്കേറ്റ അമല ചൂരക്കാട്ടുകര സ്വദേശി മേലേതിൽ വീട്ടിൽ രവി (59), ഇടുക്കി കട്ടപ്പന സ്വദേശി വിനീത (21), ഇരിങ്ങാലക്കുട സ്വദേശി പൊന്നരാശേരി വീട്ടിൽ ബിന്ദു (56) എന്നിവരെ ആക്ട്സ് പ്രവർത്തകർ കുന്നംകുളം യൂണിറ്റി ആശുപത്രിയിൽ പ്രവേശിപ്പിച്ചു.
ഇന്നലെ വൈകിട്ട് 5.30ന് ചൂണ്ടലിലെ കുന്നംകുളം എക്സൈസ് ഓഫിസിനു സമീപത്താണ് അപകടം. കുന്നംകുളത്തു നിന്ന് തൃശൂരിലേക്ക് വരികയായിരുന്ന വിനായക എന്ന ലിമിറ്റഡ് സ്റ്റോപ്പ് ബസാണ് അപകത്തിൽപ്പെട്ടത്.
നിയന്ത്രണം വിട്ട ബസ് ഇടതുവശത്തെ കാനയിലേക്ക് ചെരിയുകയായിരുന്നു.അപകടത്തിൽ സ്വകാര്യ വ്യക്തിയുടെ വീടിന്റെ മതിലിന്റെ ഒരു ഭാഗവും തകർന്നു.ബസ് മറിയാതിരുന്നതിനാൽ വലിയ അപകടം ഒഴിവായി.
അപകടത്തെ തുടർന്ന് സംസ്ഥാനപാതയിൽ ഏറെനേരം ഗതാഗതം തടസ്സപ്പെട്ടു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
