കറുകച്ചാൽ ∙ കിഴക്കൻ മേഖലയിൽനിന്ന് വരുന്ന ദീർഘദൂര ബസുകൾ സ്റ്റാൻഡിൽ കയറുന്നില്ലെന്നു യാത്രക്കാർ. കെഎസ്ആർടിസി, സ്വകാര്യ ബസുകൾ ബസ് സ്റ്റാൻഡിനു മുൻപിൽ നിർത്തി ആളെയിറക്കി പോകുകയാണ് പതിവ്.
ഗതാഗതക്കുരുക്കിൽ വീർപ്പുമുട്ടുന്ന ടൗണിൽ ബസ് സ്റ്റാൻഡ് മുൻപിൽ ബസ് നിർത്തുന്നതോടെ ഗതാഗതം വീണ്ടും താറുമാറാകും. മഴയാണെങ്കിലും സ്റ്റാൻഡിൽ കയറാതെ യാത്രക്കാരെ വഴിയിൽ ഇറക്കിവിടും.
മല്ലപ്പള്ളി, കോഴഞ്ചേരി ഭാഗത്തേക്ക് പോകുന്ന ചില ബസുകളും മത്സര ഓട്ടത്തിന്റെ ഭാഗമായി സ്റ്റാൻഡിൽ കയറാറില്ല.
ആദ്യം എത്തുന്ന ബസ് സ്റ്റാൻഡിൽ കയറിയാൽ പിന്നാലെ വരുന്ന ബസ് റോഡിൽ നിർത്തി ആളെയിറക്കി പോകും. സമയത്തെ ചൊല്ലി ബസ് ജീവനക്കാർ തമ്മിൽ തർക്കം പതിവാണ്. സ്റ്റാൻഡിനുള്ളിൽ ബസ് കാത്തു നിൽക്കുന്ന യാത്രക്കാർ ബസ് വരുന്നതും പോകുന്നതും അറിയുന്നില്ല. മുൻപ് സ്റ്റാൻഡിൽ കയറാതെ റോഡിൽ നിർത്തുന്ന ബസുകൾക്കെതിരെ പൊലീസ് നടപടി സ്വീകരിച്ചിരുന്നു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
