വാദ്യോപകരണങ്ങൾ വിതരണം ചെയ്തു

കണ്ണൂർ ∙ കല്ല്യാശ്ശേരി ബ്ലോക്ക് പഞ്ചായത്ത് വാർഷിക പദ്ധതിയിലുൾപ്പെടുത്തി പട്ടികജാതി ഗ്രൂപ്പുകൾക്ക് വാദ്യോപകരണങ്ങൾ വിതരണം ചെയ്തു. ബ്ലോക്ക് പഞ്ചായത്ത് പരിധിയിലെ പത്ത് ഗ്രൂപ്പുകൾക്കായി അറുപത് ചെണ്ടകളാണ് വിതരണം ചെയ്തത്. ബ്ലോക്ക് പഞ്ചായത്ത് ഹാളിൽ നടന്ന ചടങ്ങിൽ, മുൻ എംഎൽഎ ടി.വി.രാജേഷ് പരിപാടി ഉദ്ഘാടനം ചെയ്തു.

കല്ല്യാശ്ശേരി ബ്ലോക്ക് പഞ്ചായത്ത് പ്രസിഡന്റ് പി.പി.ഷാജിർ അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ഡി.വിമല, സ്ഥിരം സമിതി അധ്യക്ഷൻമാരായ എ.വി.രവീന്ദ്രൻ, പ്രേമ സുരേന്ദ്രൻ, ബ്ലോക്ക് പഞ്ചായത്ത് അംഗങ്ങളായ രേഷ്മ പരാഗൻ, ഒ.വിജേഷ്, ബ്ലോക്ക് പഞ്ചായത്ത് സെക്രട്ടറി സുനിൽകുമാർ, എസ്‌സി പ്രമോട്ടർ ശ്രുതി രാഗ് എന്നിവർ സംസാരിച്ചു.