ചൈനീസ് ഇലക്ട്രിക് കാർ നിർമ്മാതാക്കളായ ബിൽഡ് യുവർ ഡ്രീം (BYD) എതിരെ മനുഷ്യക്കടത്ത്, തൊഴിലാളികളെ അടിമത്തം പോലുള്ള വ്യവസ്ഥകൾക്ക് വിധേയമാക്കൽ തുടങ്ങിയ കുറ്റങ്ങൾ ചുമത്തി ബ്രസീലിയൻ പ്രോസിക്യൂട്ടർമാർ കേസ് ഫയൽ ചെയ്തു. ബിവൈഡിയുടെ ഇലക്ട്രിക് വാഹന പ്ലാന്റിലെ തൊഴിലാളികളെ അടിമകളെപ്പോലെയാണ് പരിഗണിക്കുന്നതെന്ന് പ്രോസിക്യൂട്ടർമാർ പറയുന്നു. ഇതുമാത്രമല്ല, കമ്പനിക്കെതിരെ മനുഷ്യക്കടത്ത് കുറ്റവും ചുമത്തിയിട്ടുണ്ട്.
ബിവൈഡിയിൽ നിന്നും അതിന്റെ കരാറുകാരായ ജിൻജിയാങ് കൺസ്ട്രക്ഷൻ ബ്രസീൽ, ടെക്മോണ്ട എന്നിവയിൽ നിന്നും ധാർമ്മിക നഷ്ടപരിഹാരമായി 45.3 മില്യൺ ഡോളറിലധികം (377 കോടി രൂപ) ആവശ്യപ്പെടുന്നതായി ബ്രസീലിലെ പബ്ലിക് ലേബർ പ്രോസിക്യൂട്ടർ ഓഫീസ് (എംപിടി) പ്രസ്താവനയിൽ പറഞ്ഞു. ഡിസംബറിൽ വടക്കുകിഴക്കൻ ബ്രസീലിലെ കാമാകാറിയിലെ ഒരു ബിവൈഡി ഫാക്ടറി നിർമ്മാണ സ്ഥലത്ത് നിന്ന് 220 ചൈനീസ് തൊഴിലാളികളെ രക്ഷപ്പെടുത്തിയ സംഭവത്തിൽ നടത്തിയ അന്വേഷണത്തെ തുടർന്നാണ് നിയമനടപടി. വ്യാജ വ്യാജേനയാണ് തൊഴിലാളികളെ ബ്രസീലിലേക്ക് കൊണ്ടുവന്നതെന്നും അവരുടെ ജോലി റോളുകളുമായി പൊരുത്തപ്പെടാത്ത വിസകൾ കൈവശം വച്ചിട്ടുണ്ടെന്നും അന്വേഷകർ കണ്ടെത്തി.
അജ്ഞാത പരാതിയെത്തുടർന്ന് കമ്പനിയുടെ പ്ലാന്റിൽ അന്വേഷണം ആരംഭിച്ചതിനെത്തുടർന്നാണ് 220 ചൈനീസ് തൊഴിലാളികളെ രക്ഷപ്പെടുത്തിയെന്നാണ് ബ്രസീലിലെ പബ്ലിക് ലേബർ പ്രോസിക്യൂട്ടർ ഓഫീസ് പറയുന്നത്. ഈ മൂന്ന് കമ്പനികളിൽ നിന്ന് 257 ദശലക്ഷം ബ്രസീലിയൻ റിയലാണ് എംപിടി ആവശ്യപ്പെടുന്നത്. കഴിഞ്ഞ വർഷം അവസാനം പ്ലാന്റിന്റെ നിർമ്മാണം അധികൃതർ നിർത്തിവച്ചതായി എംപിടി പറഞ്ഞു. ജീവനക്കാർ വളരെ മോശം സാഹചര്യത്തിലാണ് ജീവിക്കുന്നതെന്ന് കണ്ടെത്തിയതിനെ തുടർന്നായിരുന്നു ഈ നടപടി.
ഈ ബിവൈഡി പ്ലാന്റിലെ ജീവനക്കാർക്ക് നല്ല ജീവിത സൗകര്യങ്ങൾ നൽകുന്നില്ലെന്ന് എംപിടിയുടെ പ്രസ്താവനയിൽ പറയുന്നു. തൊഴിലാളികൾ വളരെ മോശം സാഹചര്യങ്ങളിലാണ് ജീവിച്ചിരുന്നതെന്നും അടിസ്ഥാന ശുചിത്വമോ സുഖസൗകര്യങ്ങളോ ഇല്ലായിരുന്നുവെന്നും അധികൃതർ റിപ്പോർട്ട് ചെയ്തു. ഇവിടെ ജീവനക്കാർ വളരെ മോശം സാഹചര്യങ്ങളിലും ചെറുതും ഇടുങ്ങിയതുമായ സ്ഥലത്ത് താമസിക്കാൻ നിർബന്ധിതരായി. ഇവിടെ ജീവനക്കാർക്ക് വളരെ കുറഞ്ഞ സൗകര്യങ്ങളുള്ള ചെറിയ താമസ സൗകര്യങ്ങളാണ് നൽകിയത്. ഇതുമാത്രമല്ല, ചില ജീവനക്കാർ മെത്തകളില്ലാത്ത ഫ്രെയിമുകളിൽ ഉറങ്ങാൻ നിർബന്ധിതരായി എന്നും ഒരു ടോയ്‌ലറ്റ് 30 പേർ പങ്കിട്ടതായും പ്രസ്താവനയിൽ പറയുന്നു.
കടുത്ത വെയിലിൽ ജോലി ചെയ്ത പല തൊഴിവാളികളുടെയും ചർമ്മം പൊള്ളിയ നിലയില്‍ ആയിരുന്നുവെന്നും റിപ്പോർട്ടുകൾ പറയുന്നു. സായുധരായ ഗാർഡുകൾ തൊഴിലാളികളെ നിരീക്ഷിക്കുന്നുണ്ടായിരുന്നു. തൊഴിലാളികളുടെ കരാറുകളിൽ നിയമവിരുദ്ധമായ വ്യവസ്ഥകൾ ഉൾപ്പെടുത്തിയും, പാസ്‌പോർട്ടുകൾ കണ്ടുകെട്ടിയും, തൊഴിലുടമ അവരുടെ ശമ്പളത്തിന്റെ 70 ശതമാനം വരെ പിടിച്ചുവച്ചും നിർബന്ധിത ജോലി നടക്കുന്നുണ്ടെന്ന് സംശയിക്കുന്നതായി എംപിടി പറഞ്ഞു. എംപിടി ഈ സാഹചര്യത്തെ അന്താരാഷ്ട്ര മനുഷ്യക്കടത്തിന്റെയും ചൂഷണത്തിന്റെയും ഒരു കേസായി വിശേഷിപ്പിച്ചു.
ബ്രസീലിലെ ബഹിയയിലെ കാമസാരിയിൽ, മുമ്പ് ഫോർഡ് പ്ലാന്റ് ഉണ്ടായിരുന്ന സ്ഥലത്താണ് ബിവൈഡി ഒരു വലിയ തോതിലുള്ള ഓട്ടോമോട്ടീവ് പ്ലാന്റ് നിർമ്മിക്കുന്നത്. ഈ പദ്ധതിയിൽ കമ്പനി വലിയൊരു നിക്ഷേപം നടത്തുന്നുണ്ട്. ബ്രസീലിയൻ ഓട്ടോമോട്ടീവ് വിപണിയിൽ, പ്രത്യേകിച്ച് ഇലക്ട്രിക് വാഹന വിഭാഗത്തിൽ ബിവൈഡിയുടെ സാന്നിധ്യം മെച്ചപ്പെടുത്തുകയാണ് ഇതിന്റെ ലക്ഷ്യം.
അതേസമയം തൊഴിലാളികളുടെ ന്യായമായ അവകാശങ്ങളും താൽപ്പര്യങ്ങളും സംരക്ഷിക്കുന്നതിൽ ബീജിംഗ് വലിയ പ്രാധാന്യം നൽകുന്നുവെന്നും ചൈനീസ് കമ്പനികൾ നിയമങ്ങളും ചട്ടങ്ങളും പാലിച്ചുകൊണ്ട് പ്രവർത്തിക്കണമെന്നും ചൈനീസ് വിദേശകാര്യ മന്ത്രാലയ വക്താവ് മാവോ നിംഗ് കഴിഞ്ഞ ദിവസം പറഞ്ഞു . 2025 മാർച്ചോടെ പ്രവർത്തനക്ഷമമാക്കാൻ തീരുമാനിച്ചിരുന്ന ഈ പ്ലാന്റ്, ഏഷ്യയ്ക്ക് പുറത്തുള്ള ബിവൈഡിയുടെ ആദ്യത്തെ ഇലക്ട്രിക് വാഹന പ്ലാന്റായി മാറാൻ ഒരുങ്ങിയിരുന്നു. ലോകത്തിലെ ഏറ്റവും വലിയ ഇലക്ട്രിക് വാഹന നിർമ്മാതാക്കളിൽ ഒന്നാണ് ബിവൈഡി. കാർ വ്യവസായ ഗവേഷണ സ്ഥാപനമായ ജാറ്റോ ഡൈനാമിക്സിന്റെ കണക്കനുസരിച്ച്, കഴിഞ്ഞ വർഷം ഏപ്രിലിൽ, യൂറോപ്പിൽ ആദ്യമായി ബിവൈഡി എലോൺ മസ്‌കിന്റെ ടെസ്‌ലയെ മറികടന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
