സ്വര്‍ണമാല കവർന്ന് മുങ്ങിയ യുവാവ് പിടിയില്‍
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
ബത്തേരി ∙ പിന്നിൽനിന്ന് ചവിട്ടി വീഴ്ത്തി യുവതിയുടെ സ്വര്‍ണമാല പിടിച്ചു പറിച്ച് മുങ്ങിയ യുവാവ് പിടിയില്‍. ബത്തേരി ഫയര്‍ലാന്‍ഡ് കോളനി അഞ്ജലി വീട്ടില്‍ അന്‍ഷാദ് (24) ആണ് ബത്തേരി പൊലീസിന്റെ പിടിയിലായത്. ഏപ്രില്‍ 30ന് വൈകിട്ട് 7 മണിയോടെ പഴയ അപ്പുകുട്ടന്‍ മെമ്മോറിയല്‍ ഹോസ്പിറ്റലിന് സമീപം ചുങ്കം മാര്‍ക്കറ്റ് റോഡില്‍ വച്ചാണ് സംഭവം.
6 ഗ്രാം മാലയും 0.5 ഗ്രാം വരുന്ന ലോക്കറ്റുമാണ് കവര്‍ന്നത്. സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി വലയിലായത്. കവർന്ന സ്വർണം വിറ്റ കടയിൽ നിന്നും വീണ്ടെടുത്തു. ബത്തേരി സ്റ്റേഷൻ സബ് ഇൻസ്‌പെക്ടർ ഒ.കെ.രാംദാസ്, എസ്‌സിപിഒ ടി.ആർ.രജീഷ്, സിപിഒമാരായ പി.ബി.അജിത്ത് എന്നിവരാണ് അന്വേഷണ സംഘത്തിലുണ്ടായിരുന്നത്.
