‘ചിന്തിക്കുന്നവർക്ക് ദൃഷ്ടാന്തമുണ്ട്; സ്ഥാനാർഥി പ്രഖ്യാപനം വരെ മാധ്യമങ്ങളോട് മിണ്ടാനില്ല’

നിലമ്പൂർ∙ മാധ്യമങ്ങളുമായുള്ള ആശയവിനിമയം താൽകാലികമായി വിച്ഛേദിക്കുന്നതായി എംഎൽഎ. യു‍ഡിഎഫ് സ്ഥാനാർഥിയെ പ്രഖ്യാപിക്കുന്നതുവരെ മാധ്യമങ്ങളോട് സംസാരിക്കില്ലെന്ന് ഫെയ്സ്ബുക്ക് പോസ്റ്റിലൂെടയാണ് അൻവറിന്റെ പ്രഖ്യാപനം. 

നിലമ്പൂർ ഉപതിരഞ്ഞെടുപ്പിൽ വി.എസ്.ജോയിയെ സ്ഥാനാർഥിയാക്കണമെന്ന് പി.വി,അൻവർ ആവശ്യപ്പെട്ടത് യുഡിഎഫിന് തലവേദന സൃഷ്ടിച്ചിരിക്കുന്ന സാഹചര്യത്തിലാണ് അൻവറിന്റെ പുതിയ പോസ്റ്റ്. ആര്യാടൻ ഷൗക്കത്തിനെ നിലമ്പൂരിൽ മത്സരിപ്പിക്കരുതെന്ന് അൻവർ ആവശ്യപ്പെട്ടിരുന്നു.

പി.വി.അൻവറിന്റെ പോസ്റ്റിന്റെ പൂർണരൂപം

‘നിലമ്പൂർ ഉപതിരഞ്ഞെടുപ്പിലേക്കുള്ള സ്ഥാനാർത്ഥി പ്രഖ്യാപനം ഉണ്ടാകുന്നതുവരെ പത്രമാധ്യമങ്ങളുമായുള്ള ആശയവിനിമയം താൽക്കാലികമായി ഇപ്പോൾ മുതൽ പൂർണ്ണമായും വിച്ഛേദിക്കുകയാണ്.

പ്രിയപ്പെട്ട പത്രമാധ്യമ സുഹൃത്തുക്കൾ സഹകരിക്കണമെന്ന് അഭ്യർത്ഥിക്കുന്നു.

“ചിന്തിക്കുന്നവർക്ക്” ദൃഷ്ടാന്തമുണ്ട്.’

പി.വി അൻവർ