വിജയത്തുടർച്ച തേടി ഗോകുലം കേരള ഇന്നു വീണ്ടും ഇന്റർ കാശിക്കെതിരെ; ജയിച്ചാൽ രണ്ടാം സ്ഥാനത്തെത്താം

കൊൽക്കത്ത∙ ഐ ലീഗിൽ വിജയത്തുടർച്ച തേടി ഗോകുലം കേരള എഫ്‍സി ഇന്ന് ഇന്റർ കാശിയെ നേരിടും. കൊൽക്കത്തയിലെ കല്യാണി സ്‌റ്റേഡിയത്തിൽ രാത്രി ഏഴിനാണ് മത്സരം. തുടർച്ചയായ രണ്ടു വിജയങ്ങൾക്കു ശേഷം മൂന്നാം ജയം ലക്ഷ്യമിട്ടാണ് ഗോകുലം എത്തുന്നത്. അവസാനമായി സ്വന്തം തട്ടകത്തിൽ നടന്ന മത്സരത്തിൽ എതിരില്ലാത്ത രണ്ട് ഗോളിന് ബെംഗളൂരുവിനെ തോൽപ്പിച്ച ഗോകുലം, അതിനു തൊട്ടുമുൻപു നടന്ന മത്സരത്തിൽ ഇന്റർ കാശിയെ6–2നും തകർത്തിരുന്നു.

11 മത്സരങ്ങൾ പൂർത്തിയായപ്പോൾ അഞ്ച് വിജയം, നാല് സമനില, രണ്ട് തോൽവി എന്നിങ്ങനെ 19 പോയിന്റുമായി ഗോകുലം കേരള പോയിന്റ് പട്ടികയിൽ മൂന്നാം സ്ഥാനത്തുണ്ട്. ഇന്ന് ജയിക്കുകയാണെങ്കിൽ ഒരു സ്ഥാനം മെച്ചപ്പെടുത്തി രണ്ടാം സ്ഥാനത്തെത്താൻ ടീമിന് കഴിയും.

നിലവിൽ മികച്ച ഫോമിൽ കളിക്കുന്ന ഗോകുലത്തിന്, മുന്നേറ്റത്തിൽ വിദേശതാരം സിനിസ സ്റ്റാനിസാവിന്റെ സാന്നിധ്യമാണ് കരുത്ത്. ഇന്റർ കാശിക്കെതിരായ മത്സരത്തിൽ ഹാട്രിക് നേടിയാണ് താരം ടീമിനെ വിജയത്തിലെത്തിച്ചത്. ഇന്റർ കാശിക്കെതിരെയും ബെംഗളൂരുവിനെതിരെയും ഇരട്ട ഗോൾ നേടിയ നാച്ചോ അബെലഡോയുടെ പ്രകടനമാണ് മറ്റൊരു പ്രതീക്ഷ.

‘‘അവസാന രണ്ട് മത്സരങ്ങളിലെ ജയം ചെറുതല്ലാത്ത ആത്മവിശ്വാസം ടീമിന് നൽകുന്നുണ്ട്. അതിനാൽ എവേ മത്സരത്തിൽ ഇന്റർ കാശിയെ വീഴ്ത്തി മൂന്ന് പോയിന്റ് നേടുക എന്നതാണ് പ്രധാന ലക്ഷ്യം’’ – മുഖ്യ പരിശീലകൻ അന്റോണിയോ റുവേഡ വ്യക്തമാക്കി.

English Summary:
Inter Kashi FC vs Gokulam Kerala, I-League 2024-25 Match- Live Updates

TAGS

Gokulam Kerala FC

I League Football

Football

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…