പഠിച്ച സ്‌കൂളില്‍ അതിഥിയായെത്തി നടി മമിത ബൈജു. കിടങ്ങൂര്‍ എന്‍.എസ്.എസ്. സ്‌കൂളിലെ വാര്‍ഷികാഘോഷത്തിനാണ് പൂര്‍വവിദ്യാര്‍ഥിനികൂടിയായ മമിത ബൈജു അതിഥിയായെത്തിയത്. മമിതയെ വിദ്യാര്‍ഥികളും അധ്യാപകരും ചേര്‍ന്ന് സ്വീകരിക്കുന്നതും മമിതയുടെ പ്രസംഗവും വേദിയില്‍ കുട്ടികള്‍ക്കൊപ്പം നൃത്തംചെയ്യുന്നതിന്റെയും വീഡിയോ സാമൂഹികമാധ്യമങ്ങളില്‍ പ്രചരിക്കുന്നുണ്ട്.
‘നിങ്ങളെ കാണുമ്പോള്‍ സ്‌കൂള്‍ ലൈഫ് മിസ് ചെയ്യുന്നു’ എന്നായിരുന്നു ചടങ്ങിലെ പ്രസംഗത്തിനിടെ മമിത ബൈജു പറഞ്ഞത്. പിന്നാലെ മമിത കുട്ടികള്‍ക്കുവേണ്ടി ഡാന്‍സ് ചെയ്യണമെന്ന് വിദ്യാര്‍ഥികളുടെ ഭാഗത്തുനിന്ന് അഭ്യര്‍ഥനയുണ്ടെന്ന് അധ്യാപിക പറഞ്ഞു. ‘ഇവിടെ ഡാന്‍സ് കളിച്ചില്ലേല്‍ ഞാന്‍ എവിടെപ്പോയി ഡാന്‍സ് കളിക്കാനാണ്’ എന്നായിരുന്നു മമിതയുടെ പ്രതികരണം. പിന്നാലെ സ്‌കൂളിലെ വിദ്യാര്‍ഥികള്‍ക്കൊപ്പം എല്ലാവരെയും ആവേശത്തിലാക്കി മമിത വേദിയില്‍ ചുവടുവെയ്ക്കുന്നതും ദൃശ്യങ്ങളില്‍ കാണാം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
