മലയാളത്തിലെ തന്നെ മോസ്റ്റ് വയലന്റ് ഫിലിം എന്ന ലേബലില്‍ എത്തുന്ന ‘മാര്‍ക്കോ’യുടെ ടീസര്‍ ഇതിനകം സോഷ്യല്‍മീഡിയയില്‍ കത്തിപ്പടരുകയാണ്. ‘മാര്‍ക്കോ’ ടീസറിന് ലഭിച്ച മികച്ച പ്രതികരണത്തില്‍ സിനിമയുടെ അണിയറപ്രവര്‍ത്തകര്‍ ആവേശഭരിതരാണ്. ഇപ്പോഴിതാ സിനിമാ പ്രേമികള്‍ക്കായി ‘മാര്‍ക്കോ’ ടീസര്‍ റിക്രിയേഷന്‍ ഫെസ്റ്റ് പ്രഖ്യാപിച്ചിരിക്കുകയാണ് ‘മാര്‍ക്കോ’ ടീം. ‘മാര്‍ക്കോ’ ടീസര്‍ വീഡിയോ ഏറ്റവും മികവുറ്റ രീതിയില്‍ റീക്രിയേറ്റ് ചെയ്ത് അവതരിപ്പിക്കുന്നവര്‍ക്ക് മികച്ച സമ്മാനങ്ങളാണ് വാഗ്ദാനം ചെയ്തിരിക്കുന്നത്.
എല്ലാ അര്‍ഥത്തിലും വയലന്‍സിന്റെ അങ്ങേയറ്റമാണെന്ന് അടിവരയിട്ടുകൊണ്ട് പുറത്തിറങ്ങിയതായിരുന്നു ‘മാര്‍ക്കോ’ ടീസര്‍. മോളിവുഡില്‍ യുവ താരങ്ങളില്‍ ശ്രദ്ധേയനായ ഉണ്ണി മുകുന്ദനെ നായകനാക്കി ക്യൂബ്‌സ് എന്റര്‍ടെയ്ന്‍മെന്റ്‌സ്, ഉണ്ണി മുകുന്ദന്‍ ഫിലിംസ് എന്നീ ബാനറുകളില്‍ ഷെരീഫ് മുഹമ്മദാണ് മാര്‍ക്കോ നിര്‍മിക്കുന്നത്. അണിയറ പ്രവര്‍ത്തകര്‍ പുറത്തുവിട്ടിരിക്കുന്ന ടീസര്‍ തനിമ ചോരാതെ റീക്രിയേറ്റ് ചെയ്ത് അവതരിപ്പിക്കുന്നതില്‍ നിന്നും മികച്ച നടന്‍, മികച്ച സംവിധായകന്‍, മികച്ച നിര്‍മ്മാതാവ്, മികച്ച ക്യാമറ, മികച്ച ആര്‍ട്ട് എന്നീ വിഭാഗങ്ങളില്‍ സമ്മാനം നല്‍കുമെന്ന് ക്യൂബ്‌സ് എന്റര്‍ടെയ്ന്‍മെന്റ്‌സും ഉണ്ണിമുകുന്ദന്‍ ഫിലിംസും അറിയിച്ചിട്ടുണ്ട്. ഡിസംബര്‍ 10 വരെയാണ് എന്‍ട്രികള്‍ അയക്കാനായുള്ള സമയം. ഡിസംബര്‍ 17ന് വിജയികളെ പ്രഖ്യാപിക്കും.
ലോകോത്തര നിലവാരത്തിലായിരിക്കും മാര്‍ക്കോ എത്തുന്നതെന്ന സൂചന നല്‍കുന്നതാണ് ടീസര്‍. ഇതുവരെ കാണാത്ത വേഷപ്പകര്‍ച്ചയില്‍ തികഞ്ഞൊരു ഗ്യാങ്സ്റ്റര്‍ ലുക്കിലാണ് ഉണ്ണി മുകുന്ദന്‍ ടീസറിലുള്ളത്. നടന്‍ ജഗദീഷിന്റേയും അസാധ്യമായ അഭിനയമുഹൂര്‍ത്തങ്ങള്‍ സിനിമയിലുണ്ടാകുമെന്നാണ് ടീസര്‍ നല്‍കുന്ന സൂചന. മികവുറ്റ വിഷ്വല്‍സും മ്യൂസിക്കും മാസ് രംഗങ്ങളും ടീസറില്‍ ഉള്‍ച്ചേര്‍ത്തിട്ടുണ്ട്. ചിത്രം ക്രിസ്മസ് റിലീസായാണ് തിയേറ്ററുകളില്‍ എത്താന്‍ ഒരുങ്ങുന്നത്. മലയാളം, ഹിന്ദി, തമിഴ്, തെലുങ്ക്, കന്നഡ ഭാഷകളിലാണ് മാര്‍ക്കോ റിലീസിനായി ഒരുങ്ങുന്നത്.
ചിത്രം വിതരണത്തിനെത്തിക്കുന്നതും ക്യൂബ്‌സ് എന്റര്‍ടെയ്ന്‍മെന്റ്‌സ് തന്നെയാണ്. നിര്‍മ്മിക്കുന്ന ആദ്യ സിനിമ തന്നെ വിതരണത്തിനെത്തിക്കുന്ന മലയാളത്തിലെ ആദ്യത്തെ നിര്‍മ്മാണ കമ്പനി കൂടിയായി മാറിയിരിക്കുകയാണ് ഇതോടെ ക്യൂബ്‌സ് എന്റര്‍ടെയ്ന്‍മെന്റ്‌സ്. ആക്ഷന് വലിയ പ്രാധാന്യം നല്‍കി സംവിധായകന്‍ ഹനീഫ് അദേനി ഒരുക്കിയിരിക്കുന്ന സിനിമയിലെ സംഘട്ടനങ്ങള്‍ ഒരുക്കിയിരിക്കുന്നത് പ്രമുഖ ആക്ഷന് ഡയറക്ടര്‍ കലൈ കിങ്ങ്സ്റ്റണാണ്. ‘കെ.ജി.എഫ്’, ‘സലാര്‍’ എന്നീ ബ്രഹ്‌മാണ്ഡ ചിത്രങ്ങളുടെ സംഗീത സംവിധായകന്‍ രവി ബസ്രൂര്‍ സംഗീതം പകരുന്ന ആദ്യ മലയാള സിനിമ എന്ന സവിശേഷതയും മാര്‍ക്കോയ്ക്കുണ്ട്. സിനിമയുടെ മ്യൂസിക് റൈറ്റ്‌സ് സോണി മ്യൂസിക്കിനാണ്.
ഉണ്ണി മുകുന്ദനോടൊപ്പം സിദ്ദീഖ്, ജഗദീഷ്, ആന്‍സണ്‍ പോള്‍, കബീര്‍ ദുഹാന്‍സിംഗ് (ടര്‍ബോ ഫെയിം), അഭിമന്യു തിലകന്‍, യുക്തി തരേജ തുടങ്ങിയവരും ഒട്ടേറെ പുതുമുഖ താരങ്ങളും അണിനിരക്കുന്ന ഈ ചിത്രത്തിലെ നായിക കഥാപാത്രവും മറ്റ് സുപ്രധാന വേഷങ്ങളും ബോളിവുഡ് താരങ്ങളാണ് അവതരിപ്പിക്കുന്നത്. മലയാളത്തിലെ ഏറ്റവും വലിയ മാസ്സീവ്-വയലന്‍സ് ചിത്രം എന്ന ലേബലോടെ എത്തുന്ന ചിത്രം ക്യൂബ്‌സ് എന്റര്‍ടെയ്ന്‍മെന്റ്‌സിന്റെ ആദ്യ നിര്‍മ്മാണ സംരംഭമാണ്. ‘മിഖായേല്‍’ സിനിമയുടെ സ്പിന്‍ഓഫായെത്തുന്ന ‘മാര്‍ക്കോ’യുടെ നിര്‍മ്മാണത്തിലൂടെ മലയാളത്തിലെ ഏറ്റവും പ്രായം കുറഞ്ഞ പ്രൊഡ്യൂസര്‍ എന്ന പദവിയാണ് ഷെരീഫ് ഇതിനോടകം സ്വന്തമാക്കിരിക്കുന്നത്.
ഛായാഗ്രഹണം: ചന്ദ്രു സെല്‍വരാജ്, ചിത്രസംയോജനം: ഷമീര്‍ മുഹമ്മദ്, സൗണ്ട് ഡിസൈന്‍: സപ്ത റെക്കോര്‍ഡ്‌സ്, ഓഡിയോഗ്രഫി: രാജകൃഷ്ണന്‍ എം ആര്‍, കലാസംവിധാനം: സുനില്‍ ദാസ്, മേക്കപ്പ്: സുധി സുരേന്ദ്രന്‍, കോസ്റ്റ്യും ആന്‍ഡ് ഡിസൈന്‍: ധന്യാ ബാലകൃഷ്ണന്‍, പ്രൊഡക്ഷന്‍ ചീഫ് അസ്സോസ്സിയേറ്റ് ഡയറക്ടര്‍: സ്യമന്തക് പ്രദീപ്, സഹ നിര്‍മ്മാതാവ്: അബ്ദുള്‍ ഗദാഫ്, പ്രൊഡക്ഷന്‍ കണ്‍ട്രോളര്‍: ദീപക് പരമേശ്വരന്‍, ഡിജിറ്റല്‍ മാര്‍ക്കറ്റിംഗ്: ഒബ്‌സ്‌ക്യൂറ എന്റര്‍ടെയ്ന്‍മെന്റ്, പിആര്‍ഒ: ആതിര ദില്‍ജിത്ത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
