ദുല്‍ഖര്‍ നായകനായ ഏറ്റവും പുതിയ ചിത്രം ലക്കി ഭാസ്‌കര്‍ ഇപ്പോള്‍ ബ്ലോക്ക്ബസ്റ്റര്‍ വിജയം നേടി മുന്നേറുകയാണ്. പാന്‍ ഇന്ത്യന്‍ റിലീസായി എത്തിയ ഈ തെലുങ്ക് ചിത്രം ബോക്‌സ് ഓഫീസില്‍ കോടികള്‍ കൊയ്ത് കൊണ്ടാണ് കുതിക്കുന്നത്. വെങ്കി അറ്റ്‌ലൂരി രചിച്ച് സംവിധാനം ചെയ്ത ഈ ചിത്രത്തിലെ പുതിയ ഗാനത്തിന്റെ ലിറിക് വീഡിയോ ഇപ്പോള്‍ റിലീസ് ചെയ്തിരിക്കുകയാണ്. ജി വി പ്രകാശ് കുമാര്‍ ഈണം പകര്‍ന്ന ‘മിഴിദീപമേ’ എന്ന വരികളോടെ തുടങ്ങുന്ന ഗാനം ഏറെ ശ്രദ്ധിക്കപ്പെട്ടിരുന്നു. അരുണ്‍ ആലാട്ട് വരികള്‍ രചിച്ച ഈ ഗാനം ആലപിച്ചിരിക്കുന്നത് അശ്വിന്‍ സത്യ. ചിത്രത്തിലെ പ്രധാന കഥാപാത്രങ്ങളായ ദമ്പതികളായ ഭാസ്‌കറും സുമതിയും തമ്മിലുള്ള സ്‌നേഹവും ആത്മബന്ധവും വിരഹവുമെല്ലാം പ്രേക്ഷകരുടെ മുന്നിലെത്തിക്കുന്ന ഗാനമാണിത്. ഭാസ്‌കറായി ദുല്‍ഖറും സുമതിയായി മീനാക്ഷി ചൗധരിയുമാണ് വേഷമിട്ടിരിക്കുന്നത്.
തെലുങ്ക്, മലയാളം, തമിഴ്, ഹിന്ദി ഭാഷകളില്‍ റിലീസ് ചെയ്തിരിക്കുന്ന ചിത്രം ഇതിനോടകം ആറ് ദിവസം കൊണ്ട് നേടിയ ആഗോള ഗ്രോസ് 67 കോടി 60 ലക്ഷത്തോളം രൂപയാണ്. കേരളത്തില്‍ നിന്ന് മാത്രം ഇതിനോടകം 10 കോടിക്ക് മുകളില്‍ ചിത്രം കളക്ഷന്‍ നേടിയെന്നാണ് റിപ്പോര്‍ട്ടുകള്‍. സൂര്യദേവര നാഗവംശി, സായി സൗജന്യ എന്നിവരുടെ നേതൃത്വത്തിലുള്ള സിതാര എന്റര്‍ടൈന്‍മെന്റ്‌സും ഫോര്‍ച്യൂണ്‍ ഫോര്‍ സിനിമാസും ചേര്‍ന്ന് നിര്‍മ്മിച്ച ലക്കി ഭാസ്‌കര്‍ അവതരിപ്പിച്ചിരിക്കുന്നത് ശ്രീകര സ്റ്റുഡിയോസ് ആണ്. കേരളത്തിലും ഗള്‍ഫിലും ചിത്രം വിതരണം ചെയ്തിരിക്കുന്നത് ദുല്‍ഖര്‍ സല്‍മാന്റെ വേഫെറര്‍ ഫിലിംസാണ്.
ലക്കി ഭാസ്‌കറിന്റെ വിജയത്തോടെ തെലുങ്കില്‍ ഹാട്രിക് ബ്ലോക്ക്ബസ്റ്ററാണ് ദുല്‍ഖര്‍ സല്‍മാന്‍ നേടിയിരിക്കുന്നത്. നാഗ് അശ്വിന്‍ ഒരുക്കിയ മഹാനടി, ഹനു രാഘവപുടി ഒരുക്കിയ സീതാ രാമം എന്നിവക്ക് ശേഷം ദുല്‍ഖര്‍ സല്‍മാന്‍ നായകനായി തെലുങ്കില്‍ റിലീസ് ചെയ്ത ചിത്രമാണ് ലക്കി ഭാസ്‌കര്‍. ഒരേ സമയം ഫാമിലി ഡ്രാമയും ത്രില്ലറുമായി ഒരുക്കിയ ചിത്രം കുട്ടികളും കുടുംബങ്ങളും യുവാക്കളുമുള്‍പ്പെടെ എല്ലാത്തരം പ്രേക്ഷകരേയും തൃപ്തിപ്പെടുത്തിയാണ് വിജയം തുടരുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
