വെല്ലൂര്‍: തമിഴ്‌നാട്ടില്‍ വെല്ലൂരില്‍ കാളയോട്ട മത്സരത്തിനിടെ പരുക്കേറ്റ് ചികിത്സയിലായിരുന്ന യുവാവ് മരിച്ചു. വെല്ലൂര്‍ ലിങ്കുണ്‍ട്രം സ്വദേശി സുരേഷാണ് മരിച്ചത്. വെല്ലൂര്‍ ജില്ലയിലെ ദാംകാട്ട് താലൂക്കിലെ മറുദാവല്ലി പാളയം അണ്ണാനഗറില്‍ രണ്ടു ദിവസം മുന്‍പെയായിരുന്നു മത്സരം. 215 കാളകള്‍ പങ്കെടുത്ത മത്സരത്തില്‍, കാണികളുടെ സുരക്ഷയ്ക്കായി ബാരിക്കേഡുകള്‍ സ്ഥാപിച്ചിരുന്നു. എന്നാല്‍, സുരേഷ് ഉള്‍പ്പെടെയുള്ളവര്‍ ബാരിക്കേഡ് മറികടന്ന് കാളയോടുന്ന വഴിയില്‍ കാളയെ പിടിയ്ക്കാനായി എത്തിയിരുന്നു.
കാളയുടെ ആക്രമണത്തില്‍ അഞ്ചു പേര്‍ക്കാണ് പരുക്കേറ്റത്. നെഞ്ചില്‍ പിന്‍കാലുകൊണ്ട് ചവിട്ടേറ്റതിനെ തുടര്‍ന്ന് രക്തയോട്ടം നിലച്ച സുരേഷിനെ സമീപത്തെ സ്വകാര്യ ആശുപത്രിയിലേയ്ക്കും തുടര്‍ന്ന് വെല്ലൂര്‍ സര്‍ക്കാര്‍ മെഡിക്കല്‍ കോളജിലേയ്ക്കും കൊണ്ടുപേയി. ഇന്നു രാവിലെയാണ് സുരേഷ് മരിച്ചത്. മത്സരത്തിന് മതിയായ സുരക്ഷാ ക്രമീകരണങ്ങളും വൈദ്യസഹായവും ഉറപ്പാക്കിയിരുന്നോ തുടങ്ങിയ കാര്യങ്ങളില്‍ പൊലീസ് അന്വേഷണം നടത്തിവരികയാണ്.
The post കാളയോട്ട മത്സരത്തിനിടെ പരുക്കേറ്റ് ചികിത്സയിലായിരുന്ന യുവാവ് മരിച്ചു appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
