കോഴിക്കോട്: മുഖ്യമന്ത്രി പിണറായി വിജയനെതിരെ രൂക്ഷ വിമര്‍ശനവുമായി ഇകെ വിഭാഗം സമസ്ത. മുഖപത്രമായ സുപ്രഭാതത്തിൽ എഴുതിയ മുഖപ്രസംഗത്തിലാണ് രൂക്ഷ വിമര്‍ശനം നടത്തിയിരിക്കുന്നത്. അജിത് കുമാറിനെ പൊതിഞ്ഞു കാക്കാൻ മുഖ്യമന്ത്രി നടത്തുന്ന അമിതാവേശം സർക്കാരിനെ പ്രതിക്കൂട്ടിലാക്കുന്നുവെന്നും ആരോപണങ്ങളിൽ നട്ടം തിരിയുമ്പോളും ആരോപണ വിധേയരെ ചേർത്ത് പിടിക്കാനാണ് മുഖ്യമന്ത്രിക്ക് വൃഗ്രതയെന്നും മുഖപ്രസംഗത്തിൽ വിമര്‍ശിക്കുന്നു.
ഘടകകക്ഷികളെ പോലും നിശബ്ദരാക്കി എ ഡിജിപിയെ സംരക്ഷിക്കാൻ മുഖ്യമന്ത്രിക്ക് എന്താണ് ഇത്ര തിടുക്കമെന്നും ചോദിക്കുന്നു. രാജാവിനോപ്പമുള്ളവർ നഗ്നരാണെന്ന് പറഞ്ഞ ഭരണകക്ഷി എം എൽ എയുടെ രാഷ്ട്രീയ ഡി എൻ എ പരതാനാണ് മുഖ്യമന്ത്രി ക്ക് താല്പര്യം. പൊലീസിന്‍റെ മനോവീര്യം തകർക്കാൻ അനുവദിക്കില്ല എന്നാണ് യു എ പി എ കേസിന്‍റെ സമയത്തും പറഞ്ഞത് .ഇതാണ് അജിത്കുമാറിന്റെ കാര്യത്തിലും മുഖ്യമന്ത്രി പറയുന്നത്. ഈ വിഷയത്തിൽ ആദ്യത്തെ ആവേശം പ്രതിപക്ഷത്തിന് ഇപ്പോൾ ഇല്ലെന്നും വിമര്‍ശനമുണ്ട്.ആരെയാണ് മുഖ്യമന്ത്രി തോൽപ്പിക്കുന്നത് എന്ന പേരിൽ എഴുതിയ മുഖ പ്രസംഗത്തിൽ ആണ് വിമർശനം.
മുടി വെട്ടാൻ ആളുണ്ട്, പക്ഷേ മുടിയെടുക്കാൻ ആളില്ല; യൂസർഫീ നല്‍കിയിട്ടും ഹരിത കര്‍മ്മ സേനക്കും വേണ്ട, പ്രതിസന്ധി
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
