ലണ്ടന്‍: കല്യാണ പാര്‍ട്ടിക്കിടെ അല്‍പ്പസ്വല്‍പ്പം കശപിശയൊക്കെ സ്വാഭാവികം. എന്നാല്‍ വധുവും വരനും തന്നെ കല്യാണത്തല്ലിന് നേതൃത്വം നല്‍കിയാലോ? അങ്ങനെ ഒരു സംഭവം നടന്നു അങ്ങ് ബ്രിട്ടനില്‍.
സ്‌കോട്ട്‌ലന്‍ഡിലെ വെസ്റ്റ് ലൊതെയ്‌നില്‍ നടന്ന ഒരു വിവാഹ സല്‍ക്കാര ത്തിനി ടെയാണ് വധുവും വരനും കൂട്ടത്തല്ലിന് മുന്നിട്ടിറങ്ങിയത്. 26കാരിയയ വധു ക്ലെയര്‍ ഗുഡ്ബ്രാന്‍ഡും വരന്‍ എമോന്‍ ഗുഡ്ബ്രാന്‍ഡും സഹോദരന്‍ കെയ്‌റനും സല്‍ക്കാരത്തിന് എത്തിയവരെ ആക്രമിക്കുകയായിരുന്നു.
ക്ലെയര്‍ സ്വന്തം അമ്മയായ ചെറി ആന്‍ ലിന്‍ഡ്‌സെയെ മുടിക്ക് പിടിച്ച് ഇടിച്ചശേഷം ചവിട്ടിവീഴ്ത്തി. തറയല്‍ വീണ ചെറിയെ ക്ലെയര്‍ ഷൂകൊണ്ട് തലയ്ക്ക് തല്ലുന്നതും വീഡിയോ ദൃശ്യങ്ങളില്‍ കാണമായിരുന്നു. എമോനും കെയ്‌റനും ചേര്‍ന്ന് രണ്ട് അതിഥികളെ കഴുത്തിന് പിടിച്ച് തള്ളുകയും ചവിട്ടുകയും ഇടിക്കുകയും ചെയ്തു. പാര്‍ട്ടിക്കെത്തിയവര്‍ മദ്യപിച്ച് ലക്ക് കെട്ട് പരസ്പ്പരം ദേഹത്തേക്ക് വിഴാന്‍ തുടങ്ങിയതാണ് പ്രശ്‌നങ്ങളുടെ കാരണമെന്നു പറയപ്പെടുന്നു.
സംഘര്‍ഷം മൂര്‍ച്ഛിച്ചതോടെ പൊലീസ് സ്ഥലത്തെത്തി വധുവിനെയും വരനെയും വരന്റെ സഹോദരനെയും കസ്റ്റഡിയിലെടുത്തു. അങ്ങനെ ക്ലെയറും എമോനും വെവ്വേറെ സെല്ലുകളില്‍ ആദ്യ രാത്രി തള്ളി നീക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
