സ്വന്തം ലേഖകൻ
തിരുവനന്തപുരം: മോട്ടോര്‍ വാഹന വകുപ്പിനെ ജനങ്ങളെ പിഴിയാനുള്ള യന്ത്രമാക്കി മാറ്റാനുള്ള പദ്ധതിയുമായി സർക്കാർ. ജനങ്ങളില്‍ നിന്ന് ഈ വര്‍ഷം 1000 കോടി രൂപ പിരിച്ചെടുക്കാന്‍ മോട്ടാര്‍ വാഹന വകുപ്പിന് ടാര്‍ഗറ്റ് . എംവിഡി ഇന്ധന കുടിശ്ശിക തീര്‍ത്തില്ലെങ്കില്‍ ഡീസല്‍ വിതരണം നിര്‍ത്തുമെന്ന് പമ്പുടമകള്‍ മുന്നറിയിപ്പ് നല്‍കിയ സാഹചര്യത്തിലാണ് ഈ നീക്കം.
ഗതാഗത നിയമം ലംഘിക്കുന്നവരില്‍ നിന്ന് പിഴയായി തുക പിരിച്ചെടുക്കാനാണ് നിര്‍ദേശം നല്‍കിയിരിക്കുന്നത്. ഈ സാമ്പത്തിക വര്‍ഷത്തേക്ക് ഉയര്‍ന്ന ടാര്‍ഗറ്റാണ് നിശ്ചയിച്ച് നല്‍കിയിരിക്കുന്നത്.
ഒരു ലക്ഷം രൂപയില്‍ അധികം കുടിശികയായാല്‍ പമ്പുകള്‍ വിതരണം നിര്‍ത്തും. എറണാകുളം, കൊല്ലം ഉള്‍പ്പടെ പല ജില്ലകളിലും ഒരു ലക്ഷത്തിലധികം രൂപയാണ് എംവിഡിയുടെ കുടിശിക വരുന്നത്. അതേസമയം വകുപ്പിന്റെ പ്രവര്‍ത്തനങ്ങള്‍ക്കായി ആകെ വകയിരുത്തിയിട്ടുള്ളത് 44.07 കോടിരൂപയാണ്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
