സ്വന്തം ലേഖകൻ
തിരുവനന്തപുരം: ഡ്യൂട്ടിക്കിടയില്‍ ബസ് കണ്ടക്ടറെ മര്‍ദ്ദിച്ച രണ്ടുപേരെ കാഞ്ഞിരംകുളം പൊലീസ് അറസ്റ്റ് ചെയ്തു.കരുംകുളം മേടവിളാകം വീട്ടില്‍ ജോര്‍ജ് (40), മേടവിളാകം വീട്ടില്‍ ക്രിസ്തുദാസ് (67), എന്നിവരാണ് അറസ്റ്റിലായത്.പൂവാര്‍ ഡിപ്പോയിലെ കണ്ടക്ടര്‍ സാബുവിനെയാണ് മദ്യപിച്ച് ബസില്‍ യാത്ര ചെയ്യുകയായിരുന്ന ഇരുവരും ചേര്‍ന്ന് മര്‍ദ്ദിച്ചത്.
ഇന്നലെ ഉച്ചയോടെ കരുംകുളം കണ്ണാടി പള്ളിക്ക് സമീപത്താണ് സംഭവം.തിരുവനന്തപുരത്തേയ്ക്ക് പോവുകയായിരുന്നു ബസില്‍ പൂവാറില്‍ നിന്നും കയറിയ രണ്ടുപേരും ടിക്കറ്റ് എടുക്കാൻ ആവശ്യപ്പെട്ടതിനെ തുടര്‍ന്ന് കണ്ടക്ടറിനോട് തട്ടി കയറി അസഭ്യം പറയുകയും മര്‍ദ്ദിക്കുകയായിരുന്നു. വിവരമറിഞ്ഞ് സ്ഥലത്തെത്തിയ കാഞ്ഞിരംകുളം പൊലീസ് രണ്ടുപേരെയും കസ്റ്റഡിയിലെടുത്തു.
പ്രതികളെ കോടതിയില്‍ ഹാജരാക്കി റിമാൻഡ് ചെയ്തു.ജൂലൈ മാസത്തില്‍ കാട്ടാക്കട കെഎസ്‌ആര്‍ടിസി ബസ് സ്റ്റാൻഡില്‍ ബസിനുള്ളില്‍ യുവാവിനെ മര്‍ദ്ദിച്ച കണ്ടക്ടര്‍ അറസ്റ്റിലായിരുന്നു. വെങ്ങാനൂര്‍ ബാലരാമപുരം സിസിലിപുരം സ്വദേശിയും പെൻപോള്‍ ജീവനക്കാരനുമായ ഋതിക് കൃഷ്ണനെ (23) ആണ് വെള്ളറട ഡിപ്പോയിലെ കണ്ടക്ടറും ബിഎംഎസ് യൂണിറ്റ് സെക്രട്ടറിയുമായ സുരേഷ് കുമാര്‍ മര്‍ദ്ദിച്ചത്.
തിരുവനന്തപുരത്ത് നിന്നും കാട്ടാക്കടയില്‍ എത്തിയ വെള്ളറട ഡിപ്പോ ബസില്‍ ഒരു സീറ്റില്‍ ഇരിക്കുകയായിരുന്നു യുവാവും പെണ്‍ സുഹൃത്തും.ബസ് കാട്ടാക്കട ഡിപ്പോയില്‍ എത്തിയതോടെ കണ്ടക്ടര്‍ ഇവരുടെ അടുത്തെത്തി ഋത്വിക്കിന്റെ ചെവിയില്‍ മോശമായി സംസാരിച്ചതിന് പിന്നാലെയാണ് മര്‍ദനമുണ്ടായത്.
The post തിരുവനന്തപുരത്ത് മദ്യപിച്ച് ഡ്യൂട്ടിയിൽ ഉണ്ടായിരുന്ന ബസ് കണ്ടക്ടറെ മർദ്ദിച്ച രണ്ടുപേർ അറസ്റ്റിൽ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
