ഫോൾഡബിൾ ഫോണുകളുടെ ചരിത്രവും ആധുനിക മാറ്റങ്ങളും: പുതിയ രൂപകൽപ്പനയിലേക്ക് ടെക് ലോകം

2019-ൽ ആദ്യമായി വിപണിയിലെത്തിയത് മുതൽ ഫോൾഡബിൾ ഫോണുകൾക്ക് അടിസ്ഥാനപരമായ ഒരു ഡിസൈൻ പ്രശ്നമുണ്ടായിരുന്നു. മടക്കാവുന്ന സ്ക്രീനുകൾക്ക് പിന്നിലെ സാങ്കേതികവിദ്യ വളരെ ആകർഷകമാണ്.

പോക്കറ്റിൽ ഒതുങ്ങുകയും എന്നാൽ തുറക്കുമ്പോൾ ഇരട്ടി വലിപ്പമുള്ള സ്ക്രീൻ ലഭിക്കുകയും ചെയ്യുക എന്ന ആശയത്തിന് വലിയ സ്വീകാര്യതയുണ്ടായിരുന്നു. എന്നാൽ ആദ്യകാല ഫോൾഡബിൾ ഫോണുകൾ രണ്ട് തരത്തിലുള്ള വിട്ടുവീഴ്ചകളിലേക്കാണ് നയിച്ചത്.

ഒന്നുകിൽ അത് ചെറിയൊരു ടാബ്‌ലെറ്റായി മാറുന്ന കട്ടിയുള്ള സാധാരണ ഫോണോ, അല്ലെങ്കിൽ സാധാരണ ഫോണിന്റെ വലിപ്പത്തിലേക്ക് തുറക്കപ്പെടുന്ന കട്ടിയുള്ള ചെറിയ ഫോണോ ആയിരുന്നു. ഇവ രണ്ടിൽ ഒന്നും തന്നെ പൂർണ്ണമായി ഉപയോക്താക്കൾക്ക് തൃപ്തികരമായിരുന്നില്ല.

എന്നാൽ ഈ പ്രശ്നത്തിനാണ് സാംസങ്, ആപ്പിൾ കമ്പനികളുടെ ഏറ്റവും പുതിയ അവതരണങ്ങളിലൂടെ പരിഹാരമായിരിക്കുന്നത്. “ഒരു സാധാരണ ഫോൺ എങ്ങനെ മടക്കാവുന്നതാക്കാം?” എന്ന് ചിന്തിക്കുന്നതിന് പകരം, “ഫോൾഡബിൾ ഫോൺ യഥാർത്ഥത്തിൽ എങ്ങനെയായിരിക്കണം?” എന്ന ചോദ്യത്തിലേക്കാണ് കമ്പനികൾ ശ്രദ്ധ കേന്ദ്രീകരിച്ചത്.

സാംസങ് ഗാലക്സി ഇസഡ് ഫോൾഡ് 8 (Samsung Galaxy Z Fold 8), ഐഫോൺ ഡ്യുവോ (iPhone Duo) എന്നിവയുടെ വരവോടെ, മടക്കിവെക്കാവുന്ന പാസ്‌പോർട്ടിന്റെ വലിപ്പമുള്ളതും എന്നാൽ തുറക്കുമ്പോൾ മിനി ടാബ്‌ലെറ്റായി മാറുന്നതുമായ രൂപമാണ് വിപണിയിൽ സ്വീകാര്യത നേടുന്നത്. തൊണ്ണൂറുകളുടെ തുടക്കത്തിൽ മോട്ടറോള ഡൈനടാക് (Motorola DynaTAC) പോലുള്ള ഫോണുകൾ വലിയ ഭാരമുള്ളവയായിരുന്നു.

“ബ്രിക്ക്” എന്ന് ആളുകൾ വിളിച്ചിരുന്ന ഈ ഫോണിന് ഏകദേശം രണ്ട് പൗണ്ട് ഭാരമുണ്ടായിരുന്നു. പിന്നീട് രണ്ട് ദെശകങ്ങളോളം കമ്പനികൾ ഫോണുകൾ ചെറുതും ഭാരം കുറഞ്ഞതുമാക്കാനുള്ള മത്സരത്തിലായിരുന്നു.

എന്നാൽ സ്മാർട്ട്ഫോണുകളുടെ വരവോടെ ഇതിന് വിപരീതമായി കമ്പനികൾ ഫോണിന്റെ വലിപ്പം വർദ്ധിപ്പിക്കാൻ തുടങ്ങി. ഇന്നത്തെ ഭൂരിഭാഗം ഫോണുകളും സാധാരണ കൈകളിൽ ഒതുങ്ങാത്തത്ര വലുതായി മാറിയിരിക്കുന്നു.

ഈ പ്രശ്നത്തിന് പരിഹാരമായാണ് ഫോൺ മടക്കാവുന്ന സാങ്കേതികവിദ്യ വികസിപ്പിച്ചെടുത്തത്. ആദ്യകാലത്ത് പുറത്തിറങ്ങിയ സാംസങ് ഗാലക്സി ഫോൾഡ് (Samsung Galaxy Fold) നിരവധു പോരായ്മകളുള്ളതായിരുന്നു.

എന്നാൽ കാലക്രമേണ സാംസങ് ഇതിൽ മാറ്റങ്ങൾ വരുത്തി. പുതിയ ഇസഡ് ഫോൾഡ് 8 (Z Fold 8) മോഡൽ മുൻ പതിപ്പുകളിൽ നിന്ന് തികച്ചും വ്യത്യസ്തമാണ്.

ഇത് ചെറുതും വീതികൂടിയതുമാണ്. ആളുകൾ തങ്ങളുടെ ഫോണുകൾ ഉപയോഗിക്കുന്ന രീതിയാണ് ഈ മാറ്റത്തിന് കാരണം.

ചില കാര്യങ്ങൾക്ക് നോട്ടിഫിക്കേഷനുകൾ നോക്കൽ പോലുള്ള ചെറിയ സ്ക്രീൻ മതിയാകും. എന്നാൽ വീഡിയോ കാണുമ്പോഴോ ഗെയിം കളിക്കുമ്പോഴോ വലിയ സ്ക്രീൻ ആവശ്യമാണ്.

പുതിയ ഫോൾഡബിൾ ഫോണുകൾ ഈ രണ്ട് ആവശ്യങ്ങളും ഒരേപോലെ നിറവേറ്റുന്നു. സാംസങ് ഗാലക്സി ഇസഡ് ഫോൾഡ് 8 കൊറിയയിൽ 1.44 ദശലക്ഷം പ്രീ-ഓർഡറുകൾ നേടി റെക്കോർഡ് സൃഷ്ടിച്ചു.

പ്രമുഖ മാധ്യമങ്ങളായ ആൻഡ്രോയിഡ് പോലീസ് (Android Police), സിഎൻഎൻ (CNN) തുടങ്ങിയവയും ഈ പുതിയ ഫോൾഡബിൾ ഫോണിന്റെ രൂപകൽപ്പനയെയും പ്രവർത്തനത്തെയും അനുകൂലമായി വിലയിരുത്തിയിട്ടുണ്ട്. ഉപയോക്താക്കളുടെ സൗകര്യത്തിന് പ്രാധാന്യം നൽകിക്കൊണ്ട് വിപണിയിൽ പുതിയൊരു വിപ്ലവത്തിനാണ് സാങ്കേതിക ലോകം സാക്ഷ്യം വഹിക്കുന്നത്.