നിങ്ങളുടെ ഗാലക്‌സി ഫോൺ കൂടുതൽ മികച്ചതാക്കാം; ഒഴിവാക്കരുതാത്ത ഏഴ് സാംസങ് ആപ്പുകൾ

പുതിയ സാംസങ് ഗാലക്സി S25 സ്മാർട്ട്ഫോൺ സ്വന്തമാക്കുമ്പോൾ നമ്മൾ സാധാരണയായി ചെയ്യുന്ന ചില കാര്യങ്ങളുണ്ട്. ആദ്യം പ്രീ-ഇൻസ്റ്റാൾ ചെയ്ത സാംസങ് ഫോൾഡർ തുറന്നു നോക്കുകയും, അധികം വൈകാതെ ആ ആപ്പുകളെല്ലാം ആപ്പ് ഡ്രോവറിൻ്റെ പിന്നിലേക്ക് മാറ്റിവെക്കുകയും ചെയ്യും.

ഫോണിലെ സ്‌റ്റോറേജ് കളയുന്ന വെറും അനാവശ്യ ആപ്പുകൾ മാത്രമാണ് ഇവയെന്നാണ് പലരുടെയും ധാരണ. മനോഹരമായ ഡിസ്പ്ലേയ്ക്കും കരുത്തുറ്റ ഹാർഡ്‌വെയറിനും വേണ്ടിയാണ് പലരും ഗാലക്‌സി ഫോണുകൾ വാങ്ങുന്നത് അല്ലാതെ സോഫ്റ്റ്‌വെയർ ഫില്ലറുകൾക്ക് വേണ്ടിയല്ല.

എന്നാൽ, സമീപകാലത്തെ വൺ യുഐ (One UI) അപ്‌ഡേറ്റുകൾ സാംസങ്ങിൻ്റെ നേറ്റീവ് ആപ്പുകളെ പൂർണ്ണമായും മാറ്റിമറിച്ചിട്ടുണ്ട്. നിങ്ങൾ ഇതുവരെ അവഗണിച്ചതും എന്നാൽ ഫോണിന്റെ ഹോം സ്ക്രീനിൽ മുൻനിരയിൽ ഉണ്ടായിരിക്കേണ്ടതുമായ ഏഴ് വൺ യുഐ ആപ്പുകൾ പരിചയപ്പെടാം.

ഗുഡ് ലോക്ക് (Good Lock) വഴി ഗാലക്‌സി കസ്റ്റമൈസ് ചെയ്യാം
മിക്ക സാധാരണ ഉപയോക്താക്കളും ഗാലക്സി സ്റ്റോറിലെ ഗുഡ് ലോക്ക് ആപ്പ് അവഗണിക്കുകയാണ് പതിവ്. ഇതൊരു തേർഡ് പാർട്ടി സിസ്റ്റം മോഡ് പോലെ കാണപ്പെടുന്നത് കൊണ്ടും ഡൗൺലോഡ് ചെയ്ത് എടുക്കേണ്ടി വരുന്നത് കൊണ്ടുമാണ് പലരും ഇത് ഒഴിവാക്കുന്നത്.

എന്നാൽ പ്രധാന സെറ്റിങ്സ് മെനുവിൽ ഉൾപ്പെടുത്താൻ കഴിയാത്തത്രയും നൂതനവും പരീക്ഷണാത്മകവുമായ ഫീച്ചറുകൾ നൽകുന്ന സാംസങ്ങിന്റെ ഔദ്യോഗിക പ്ലാറ്റ്‌ഫോമാണ് യഥാർത്ഥത്തിൽ ഗുഡ് ലോക്ക്. ആൻഡ്രോയിഡ് ഉപയോക്താക്കൾക്ക് ലഭിക്കാത്ത പല ഔദ്യോഗിക ആനുകൂല്യങ്ങളും ഇതിലൂടെ ലഭ്യമാകും.

ഫോണിൽ നിങ്ങൾ ചെയ്യുന്ന കാര്യങ്ങളെ മാറ്റിമറിക്കുന്ന ഒരു ഗുഡ് ലോക്ക് ടൂളാണ് റെജിസ്റ്റാർ (RegiStar). ഫോണിൻ്റെ പുറകിൽ രണ്ടോ മൂന്നോ തവണ ടാപ്പ് ചെയ്ത് സ്ക്രീൻഷോട്ട് എടുക്കൽ, റീസെന്റ് ആപ്പുകൾ തുറക്കൽ തുടങ്ങിയ സിസ്റ്റം കമാൻഡുകൾ പ്രവർത്തിപ്പിക്കാൻ ഇത് സഹായിക്കുന്നു.

മറ്റൊരു ഉപകാരപ്രദമായ മൊഡ്യൂളാണ് സൗണ്ട് അസിസ്റ്റൻ്റ് (SoundAssistant). ഫോണിൻ്റെ സൗണ്ട് സെറ്റിങ്സ് പൂർണ്ണമായി നിയന്ത്രിക്കാൻ ഇത് സഹായിക്കും.

ഒരേസമയം രണ്ട് ബ്ലൂടൂത്ത് ഡിവൈസുകളിലേക്ക് ഓഡിയോ നൽകാൻ സാധിക്കുന്ന ‘മൾട്ടി-സൗണ്ട് റൂട്ടിംഗ്’ ആണ് ഇതിലെ പ്രധാന ഫീച്ചർ. കൂടാതെ, ആപ്പ് അനുസരിച്ച് വോളിയം ക്രമീകരിക്കാനും ഇതിലൂടെ സാധിക്കും.

ഗെയിമിംഗ് ഹബ് (Gaming Hub) ഉപയോഗിച്ച് ഫോൺ തണുപ്പിച്ച് നിർത്താം
ഗെയിമിംഗ് ഹബ് (മുമ്പ് ഗെയിം ലോഞ്ചർ) ഗെയിമുകൾ ഗ്രൂപ്പ് ചെയ്യുന്നതോ പരസ്യങ്ങൾ കാണിക്കുന്നതോ ആയ ഒരു അനാവശ്യ ഫോൾഡർ മാത്രമായാണ് പലരും കാണുന്നത്. എന്നാൽ ഫോണിൻ്റെ പവർ മാനേജ്മെൻ്റ് ശൈലിയെ മാറ്റിമറിക്കുന്ന ഒരു ഫീച്ചർ ഇതിലുണ്ട് എന്ന കാര്യം പലരും അറിയുന്നില്ല.

സാധാരണയായി ഫോൺ ചാർജ്ജിലിട്ട് ഗെയിം കളിക്കുമ്പോൾ ഫോൺ ചൂടാവുകയും ബാറ്ററിക്ക് തകരാർ സംഭവിക്കുകയും ചെയ്യാറുണ്ട്. എന്നാൽ ‘പോസ് യുഎസ്‌ബി പവർ ഡെലിവറി’ (Pause USB Power Delivery) എന്ന സെറ്റിങ്സ് വഴി ചാർജർ ബാറ്ററിയെ ഒഴിവാക്കി നേരിട്ട് പ്രൊസസറിലേക്ക് പവർ നൽകുന്നു.

ഈ ഫീച്ചർ ഉപയോഗിക്കാൻ 25W+ യുഎസ്‌ബി പിഡി പിപിഎസ് ചാർജറും 20 ശതമാനത്തിന് മുകളിൽ ബാറ്ററിയും ആവശ്യമാണ്. ഗെയിം കളിക്കുമ്പോൾ ബാറ്ററി ചാർജ് ആകുന്നതും ചൂടാവുന്നതും തടയാൻ ഇത് സഹായിക്കുന്നു.

അതുവഴി ഫോണിന്റെ താപനില കുറയുകയും ദീർഘകാലത്തേക്ക് ബാറ്ററി സുരക്ഷിതമായിരിക്കുകയും ചെയ്യും. സാംസങ് സ്റ്റുഡിയോ (Samsung Studio) ഉപയോഗിച്ച് വീഡിയോകൾ എഡിറ്റ് ചെയ്യാം
ഗാലറി തുറന്ന് വീഡിയോയിലെ എഡിറ്റ് ഐക്കൺ ടാപ്പ് ചെയ്യുമ്പോൾ ട്രിമ്മിംഗും ക്രോപ്പിംഗും പോലുള്ള അടിസ്ഥാന കാര്യങ്ങൾ മാത്രമാണ് ചെയ്യാൻ കഴിയുക എന്ന് കരുതി ആളുകൾ പലപ്പോഴും തേർഡ് പാർട്ടി വീഡിയോ എഡിറ്റിംഗ് ആപ്പുകൾ ഡൗൺലോഡ് ചെയ്യാറുണ്ട്.

എന്നാൽ സാംസങ് സ്റ്റുഡിയോയുടെ പ്രത്യേകതകൾ പലർക്കും അറിയുന്നില്ല. തേർഡ് പാർട്ടി ടൂളുകൾക്ക് ശക്തമായ മത്സരം നൽകുന്ന ഒന്നാണ് സാംസങ് സ്റ്റുഡിയോ.

ഒന്നിലധികം ക്ലിപ്പുകൾ, ടെക്സ്റ്റ് ലെയറുകൾ, സ്റ്റിക്കറുകൾ എന്നിവ കൈകാര്യം ചെയ്യാൻ സഹായിക്കുന്ന മൾട്ടി-ലെയർ എഡിറ്റിംഗ് ആപ്പാണിത്. ഫോണിൽ തന്നെ സങ്കീർണ്ണമായ വീഡിയോകൾ നിർമ്മിക്കാൻ ഈ ടൈംലൈൻ ലേഔട്ട് സഹായിക്കുന്നു.

ആപ്പ് ഫോണിൽ തന്നെ ലഭ്യമായതുകൊണ്ട് വാട്ടർമാർക്കുകളോ പെയ്‌വാളുകളോ ഇതിൽ പ്രശ്നമാകുന്നില്ല. സാംസങ് മെമ്പേഴ്സ് (Samsung Members) വഴി ഫോണിന്റെ ആരോഗ്യം പരിശോധിക്കാം
സാംസങ് മെമ്പേഴ്സ് ആപ്പിനെ മാർക്കറ്റിംഗ് നോയ്സ് ആയിട്ടോ സപ്പോർട്ട് ഹബ്ബ് ആയിട്ടോ മാത്രം കണ്ട് അവഗണിക്കുന്നവരുണ്ട്.

എന്നാൽ സർവീസ് സെന്ററുകളെ ആശ്രയിക്കാതെ തന്നെ ഫോണിന്റെ ഹാർഡ്‌വെയർ പരിശോധിക്കാൻ ഇത് വഴി സാധിക്കും. ഡിസ്പ്ലേ, ക്യാമറ, മൈക്രോഫോൺ, സ്പീക്കർ, യുഎസ്‌ബി പോർട്ടുകൾ, ബാറ്ററി തുടങ്ങിയ പ്രധാന ഹാർഡ്‌വെയറുകൾ പരിശോധിക്കാൻ ഇതിലെ ബിൽറ്റ്-ഇൻ ഹാർഡ്‌വെയർ ഡയഗ്നോസ്റ്റിക്സ് സഹായിക്കും.

ഉപയോഗിച്ച ഗാലക്‌സി ഡിവൈസുകൾ വാങ്ങുമ്പോഴോ വിൽക്കുമ്പോഴോ സാമ്പത്തിക നഷ്ടം ഒഴിവാക്കാൻ ഈ ഹെൽത്ത് റിപ്പോർട്ട് ഏറെ ഉപകാരപ്പെടും. മോഡ്സ് ആൻഡ് റൂട്ടീൻസ് (Modes and Routines) ഉപയോഗിച്ച് ഫോൺ ഓട്ടോമേറ്റ് ചെയ്യാം
മോഡ്സ് ആൻഡ് റൂട്ടീൻസ് സങ്കീർണ്ണമാണെന്ന് കരുതി സെറ്റിങ്സ് മാനുവലായി മാറ്റാനാണ് പലരും ശ്രമിക്കുന്നത്.

എന്നാൽ തേർഡ് പാർട്ടി ആപ്പുകൾക്ക് പകരമായി സാംസങ് നൽകുന്ന ശക്തമായ ഓട്ടോമേഷൻ സിസ്റ്റമാണിത്. ആപ്പ് ലോഞ്ച്, ലൊക്കേഷൻ എന്നിവയെ അടിസ്ഥാനമാക്കി സിസ്റ്റം പ്രവർത്തനങ്ങൾ ഓട്ടോമേറ്റ് ചെയ്യാൻ ഇത് സഹായിക്കുന്നു.

ഉദാഹരണത്തിന്, യൂട്യൂബ് ആപ്പ് തുറക്കുമ്പോൾ ഫോൺ ഓട്ടോ-റോറ്റേറ്റ് മോഡിലേക്ക് മാറുകയും, ആപ്പിൽ നിന്ന് പുറത്തിറങ്ങുമ്പോൾ പഴയ സെറ്റിങ്സിലേക്ക് തിരികെ പോവുകയും ചെയ്യുന്ന രീതിയിൽ ഇത് ക്രമീകരിക്കാം. മൊബൈൽ ബ്രൗസിംഗിന് ക്രോമിനേക്കാൾ മികച്ചത് സാംസങ് ബ്രൗസർ (Samsung Browser)
പ്രീ-ഇൻസ്റ്റാൾ ചെയ്ത ബ്രൗസർ ഒഴിവാക്കി ഗൂഗ്ഗിളിന്റെ ക്രോം ഉപയോഗിക്കുന്നവരാണ് ഏറെയും.

എന്നാൽ മൊബൈൽ ബ്രൗസിംഗിനായി സാംസങ് ബ്രൗസർ മികച്ച രീതിയിൽ സജ്ജീകരിച്ചിരിക്കുന്നു. വെബ് വീഡിയോകൾ കണ്ടെത്താനും സ്വന്തം ജെസ്റ്റർ അധിഷ്ഠിത കൺട്രോളുകൾ നൽകാനും സാംസങ് ബ്രൗസറിന് സാധിക്കും.

കൂടാതെ, തേർഡ് പാർട്ടി എക്സ്റ്റൻഷനുകൾ ഉപയോഗിക്കാനും, ട്രാക്കിംഗ് കുക്കികളെ തടയുന്ന പ്രൈവസി ഡാഷ്‌ബോർഡ് ഉപയോഗിക്കാനും ഇതിൽ സൗകര്യമുണ്ട്. ബയോമെട്രിക് ലോക്കുകൾ ഉപയോഗിച്ച് രഹസ്യ ടാബുകൾ സുരക്ഷിതമായി സൂക്ഷിക്കാനും ഇതിന്റെ സീക്രട്ട് മോഡ് സഹായിക്കുന്നു.

ഗാലക്‌സി ഉപയോക്താക്കൾക്ക് ഫോൺ ലിങ്കിനേക്കാൾ മികച്ചത് സാംസങ് ഫ്ലോ (Samsung Flow)
മൈക്രോസോഫ്റ്റിന്റെ ഫോൺ ലിങ്ക് ജനപ്രീതി നേടുമ്പോൾ സാംസങ്ങിന്റെ സാംസങ് ഫ്ലോ ആപ്പ് പലരും അവഗണിക്കാറുണ്ട്. എന്നാൽ ഗാലക്‌സി ഫോണുകൾ, ടാബ്‌ലെറ്റുകൾ, വിൻഡോസ് പിസികൾ എന്നിവയ്ക്കിടയിൽ തടസ്സമില്ലാത്ത കോപ്പി-പേസ്റ്റ് സൗകര്യം സാംസങ് ഫ്ലോ നൽകുന്നുണ്ട്.

തിരക്കേറിയ ജോലി സാഹചര്യങ്ങളിൽ ഈ ഫാസ്റ്റ് സിങ്ക് ഏറെ ഉപകാരപ്രദമാകും. സാംസങ് ഫോൾഡറിൽ അനാവശ്യ ആപ്പുകൾ മാത്രമാണെന്ന ധാരണ പൂർണ്ണമായും തെറ്റാണ്.

വൺ യുഐ ടൂളുകൾ മികച്ച രീതിയിൽ ഉപയോഗപ്പെടുത്തുന്നതിലൂടെ ഗാലക്‌സി ഫോണുകളുടെ യഥാർത്ഥ മൂല്യം തിരിച്ചറിയാൻ സാധിക്കും.