നൊവാക് ജോക്കോവിച്ച് പിൻമാറി, അലക്സാണ്ടർ സ്വരേവ് ഓസ്ട്രേലിയൻ ഓപ്പൺ ഫൈനലിൽ

മെൽബൺ∙ ഓസ്ട്രേലിയൻ ഓപ്പൺ‌ പുരുഷ സിംഗിൾസിൽ ജർമൻ താരം അലക്സാണ്ടർ സ്വരേവ് ഫൈനലിൽ കടന്നു. സെർബിയൻ സൂപ്പർ താരം നൊവാക് ജോക്കോവിച്ച് ആദ്യ സെറ്റ് പൂർത്തിയായതിനു പിന്നാലെ മത്സരം മതിയാക്കി മടങ്ങിയതോടെയാണ് ജർമൻ താരത്തിന് ഫൈനലിലേക്ക് ‘വാക്കോവർ’ ലഭിച്ചത്. 

ജോക്കോവിച്ചും സ്വരേവും ഒപ്പത്തിനൊപ്പം പൊരുതിയ ശേഷമായിരുന്നു സെർ‌ബിയൻ താരത്തിന്റെ പിൻവാങ്ങൽ. ടൈ ബ്രേക്കർ വരെയെത്തിച്ച ആദ്യ സെറ്റ് കൈവിട്ടപ്പോള്‍ ജോക്കോ പിന്നോട്ടുപോയി. ആദ്യ സെറ്റ് 6–7 (5–7)ന് സ്വരേവ് സ്വന്തമാക്കി. പരുക്കു കാരണമാണ് ജോക്കോ മത്സരം പൂർത്തിയാക്കാതെ മടങ്ങിയതെന്നാണു വിവരം. 

37 വയസ്സുകാരനായ ജോക്കോയ്ക്ക് 25–ാം ഗ്രാൻഡ്സ‍്‍ലാം കിരീടമെന്ന സ്വപ്ന നേട്ടത്തിലെത്താൻ രണ്ടു വിജയങ്ങൾ കൂടി മതിയായിരുന്നു. കാർലോസ് അൽക്കാരസിനെതിരായ ക്വാർട്ടർ ഫൈനല്‍ മത്സരത്തിനിടെ ജോക്കോ വൈദ്യ സഹായം തേടിയിരുന്നു. 26 നാണ് പുരുഷ സിംഗിൾസ് ഫൈനൽ. കലാശപ്പോരിൽ യാനിക് സിന്നർ– ബെൻ ഷെൽട്ടൻ മത്സരത്തിലെ വിജയിയെ സ്വരേവ് നേരിടും.

English Summary:
Australian Open Men’s Singles Semi Final, Novak Djokovic vs Alexander Zverev Match Updates

TAGS

Australian Open

Tennis

Novak Djokovic

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…