സർക്കാരിന്റെ ഓണം വാരാഘോഷ സമാപന ചടങ്ങിലും ഉത്രട്ടാതി വള്ളംകളിയിലും വന്ദേമാതരം പൂർണ്ണമായി ആലപിച്ച സംഭവത്തിൽ സർക്കാരിനെതിരെ രൂക്ഷവിമർശനവുമായി പ്രതിപക്ഷം രംഗത്ത്. ഇത് മുഖ്യമന്ത്രി ആർഎസ്എസ്സുമായി ഉണ്ടാക്കിയ ഡീലിന്റെ ഭാഗമാണെന്ന് എം.
ഗോവിന്ദൻ കുറ്റപ്പെടുത്തി. എന്നാൽ വന്ദേമാതര വിവാദത്തിൽ മുഖ്യമന്ത്രിയും മന്ത്രിമാരും ഇതുവരെ ഔദ്യോഗികമായി മൗനം തുടരുകയാണ്.
ഉപരാഷ്ട്രപതി പങ്കെടുത്ത ചടങ്ങിൽ കേന്ദ്രസർക്കാരിന്റെ പ്രോട്ടോക്കോൾ പാലിക്കുക മാത്രമാണ് ചെയ്തതെന്നാണ് സർക്കാരിന്റെ വിശദീകരണം. ഉന്നത വിദ്യാഭ്യാസ മേഖലയിൽ അടക്കം ഗവർണറെ ഉപയോഗിച്ച് സംഘപരിവാർ കാവിവൽക്കരണം നടത്തുന്നുവെന്ന പ്രതിപക്ഷ ആരോപണങ്ങൾക്കിടെയാണ് ഈ പുതിയ രാഷ്ട്രീയ വിവാടം രൂപപ്പെട്ടിരിക്കുന്നത്.
ഉപരാഷ്ട്രപതിയുടെ ചടങ്ങിൽ നിലപാടിന്റെ പ്രശ്നമല്ലെന്നും കേന്ദ്ര പ്രോട്ടോക്കോൾ കർശനമായി പാലിക്കേണ്ടതുണ്ടെന്നും മന്ത്രി പി.സി. വിഷ്ണുനാഥ് വിശദീകരിച്ചു.
എന്നാൽ ദേശീയ ഗീതം പൂർണ്ണമായി ആലപിച്ചതിനെക്കുറിച്ച് തനിക്ക് അറിവില്ലെന്ന നിലപാടാണ് മന്ത്രി എ.പി. അനിൽകുമാർ വ്യക്തമാക്കിയത്.
മുൻപ് സ്വാതന്ത്ര്യ ദിനാഘോഷ ചടങ്ങിൽ കോൺഗ്രസ് ഭരിക്കുന്ന മറ്റു സംസ്ഥാനങ്ങളിൽ നിന്ന് വ്യത്യസ്തമായി കേരളത്തിൽ വന്ദേമാതരം പൂർണ്ണമായി ആലപിച്ചിരുന്നില്ല എന്നത് ശ്രദ്ധേയമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
