റെനോ ഡസ്റ്റർ സ്ട്രോങ് ഹൈബ്രിഡ് ഒക്ടോബർ 17ന് ഇന്ത്യൻ വിപണിയിൽ

ഇന്ത്യൻ വാഹന വിപണിയിലേക്ക് ഫ്രഞ്ച് വാഹന നിർമാതാക്കളായ റെനോ പുതിയൊരു ഹൈബ്രിഡ് എസ്‌യുവി എത്തിക്കുന്നു. ഏറെ പ്രതീക്ഷയോടെ വാഹനലോകം കാത്തിരിക്കുന്ന പുതിയ ഡസ്റ്റർ സ്ട്രോങ് ഹൈബ്രിഡ് പതിപ്പ് വരുന്ന ഒക്ടോബർ 17ന് ഔദ്യോഗികമായി ഇന്ത്യയിൽ അവതരിപ്പിക്കും.

പെട്രോൾ എൻജിനും ഇലക്ട്രിക് മോട്ടോറുകളും ഒരേസമയം സംയോജിപ്പിച്ച് പ്രവർത്തിക്കുന്ന പുതിയ പവർട്രെയിൻ സംവിധാനം മികച്ച ഇന്ധനക്ഷമത വാഗ്ദാനം ചെയ്യുമെന്നാണ് കമ്പനി വ്യക്തമാക്കിയിട്ടുള്ളത്. ലിറ്ററിന് 26 കിലോമീറ്റർ വരെ ഇന്ധനക്ഷമത ലഭിക്കുമെന്നാണ് പ്രാഥമിക റിപ്പോർട്ടുകൾ സൂചിപ്പിക്കുന്നത്.

ഉത്സവകാല വാഗ്ദാനം പാലിച്ച് പുതിയ ഡസ്റ്റർ പുറത്തിറക്കിയ ഘട്ടത്തിൽ തന്നെ ഇതിന്റെ ഹൈബ്രിഡ് പതിപ്പും വിപണിയിൽ എത്തിക്കുമെന്ന് കമ്പനി അറിയിച്ചിരുന്നു. നിലവിലുള്ള 1.0 ലിറ്റർ, 1.3 ലിറ്റർ ടർബോ പെട്രോൾ എൻജിൻ വകഭേദങ്ങൾക്കൊപ്പം തന്നെയാകും ഈ പുതിയ ഹൈബ്രിഡ് മോഡലും നിരയിലെത്തുക.

സാങ്കേതിക വിവരങ്ങൾ വാഹനത്തിൽ 1789 സിസി ശേഷിയുള്ള നാല് സിലിണ്ടർ നാച്ചുറലി ആസ്പിറേറ്റഡ് പെട്രോൾ എൻജിനാണ് ഉപയോഗിച്ചിരിക്കുന്നത്. ഇതിനോടൊപ്പം രണ്ട് ഇലക്ട്രിക് മോട്ടോറുകളും മൾട്ടി-മോഡ് ഓട്ടോമാറ്റിക് ഗിയർബോക്സും സജ്ജീകരിച്ചിരിക്കുന്നു.

മൊത്തത്തിൽ 160 എച്ച്പി കരുപ്പും 172 എൻഎം ടോർക്കും ഉത്പാദിപ്പിക്കാൻ ശേഷിയുള്ളതാണ് ഈ സംവിധാനം. കൂടാതെ 1.4 കിലോവാട്ട് ബാറ്ററി പാക്കാണ് ഇതിനായി കരുത്ത് പകരുന്നത്.

നഗരങ്ങളിലെ യാത്രാ സാഹചര്യങ്ങളിൽ വാഹനത്തിന്റെ ഡ്രൈവിങ്ങിന്റെ 80 ശതമാനം വരെ ഇലക്ട്രിക് മോഡിൽ മാത്രമായി ഉപയോഗിക്കാൻ സാധിക്കുമെന്നാണ് നിർമാതാക്കളുടെ അവകാശവാദം. എങ്കിലും റോഡ് സാഹചര്യങ്ങൾ, ഗതാഗതക്കുടക്ക്, ബാറ്ററി ചാർജ്, ഡ്രൈവിങ് രീതി എന്നിവയെ ആശ്രയിച്ച് ഇതിൽ വ്യത്യാസങ്ങൾ ഉണ്ടായേക്കാം.

വാഹനം പുറത്തുനിന്നും ചാർജ് ചെയ്യേണ്ടതിന്റെ ആവശ്യകത ഇതിലില്ല. പെട്രോൾ എൻജിനും ഇലക്ട്രിക് മോട്ടോറുകളും സാഹചര്യങ്ങൾക്ക് അനുസൃതമായി സ്വയം നിയന്ത്രിതമായാണ് പ്രവർത്തിക്കുന്നത്.

വാഹനം വേഗത കുറയ്ക്കുമ്പോൾ റീജനറേറ്റീവ് ബ്രേക്കിങ് സംവിധാനം വഴി ഊർജം വീണ്ടെടുത്ത് ബാറ്ററിയിലേക്ക് മാറ്റുകയും ചെയ്യും. ഡീസലിന് പകരം ഹൈബ്രിഡ് പുതിയ ഡസ്റ്റർ ശ്രേണിയിൽ ഡീസൽ എൻജിൻ ഓപ്ഷൻ ഉൾപ്പെടുത്തിയിട്ടില്ല.

പഴയ തലമുറ ഡസ്റ്ററിന്റെ വിജയത്തിൽ ഡീസൽ എൻജിനുകൾ നിർണായക പങ്ക് വഹിച്ചിരുന്നു. “പ്രിയപ്പെട്ട

ഡീസൽ, യാത്രയ്ക്ക് നന്ദി. ഇനി നമ്മൾ ഇത് കൂടുതൽ മുന്നോട്ട് കൊണ്ടുപോകും” എന്ന സന്ദേശത്തോടുകൂടിയാണ് റെനോ ഇതിന്റെ ടീസർ പുറത്തിറക്കിയിരുന്നത്.

ഡീസൽ എൻജിനുകൾക്ക് വിട നൽകി പൂർണ്ണമായും ഇന്ധനക്ഷമതയിൽ ശ്രദ്ധ കേന്ദ്രീകരിക്കുന്ന ഹൈബ്രിഡ് സാങ്കേതികവിദ്യയിലേക്ക് കമ്പനി ചുവടുമാറുന്നതിന്റെ വ്യക്തമായ സൂചനയാണിത്.

വിപണിയിലെ മത്സരം ഇന്ത്യൻ വിപണിയിൽ മാരുതി സുസുക്കി ഗ്രാൻഡ് വിറ്റാര, മാരുതി സുസുക്കി വിക്ടോറിസ്, ടൊയോട്ട അർബൻ ക്രൂയിസർ ഹൈറൈഡർ തുടങ്ങിയ പ്രമുഖ ഹൈബ്രിഡ് മോഡലുകളോടാകും പുതിയ ഡസ്റ്റർ നേരിട്ട് മത്സരിക്കുക.

ടൊയോട്ട ഹൈറൈഡർ സ്ട്രോങ് ഹൈബ്രിഡ് പതിപ്പുകൾക്ക് ഏകദേശം 16.5 ലക്ഷം രൂപ മുതൽ 20 ലക്ഷം രൂപ വരെയാണ് എക്സ്-ഷോറൂം വില വരുന്നത്.

എന്നാൽ ഡസ്റ്റർ ഹൈബ്രിഡിന്റെ ഔദ്യോഗിക വില വിവരങ്ങൾ കമ്പനി ഇതുവരെ പുറത്തുവിട്ടിട്ടില്ല. നിലവിൽ വാഹനത്തിന്റെ മറ്റ് പതിപ്പുകൾക്ക് 10.49 ലക്ഷം രൂപ മുതൽ 18.69 ലക്ഷം രൂപ വരെയാണ് എക്സ്-ഷോറൂം വില നിശ്ചയിച്ചിട്ടുള്ളത്.