സ്ട്രീമിംഗ് രംഗത്തെ മുൻനിര പ്ലാറ്റ്ഫോമായ നെറ്റ്ഫ്ലിക്സ് പാസ്വേഡ് പങ്കിടൽ നിയന്ത്രിക്കുന്നതിന്റെ ഭാഗമായി കൂടുതൽ കർശനമായ നടപടികളിലേക്ക് കടക്കുന്നു. നിലവിൽ ഒരു അക്കൗണ്ടിൽ പരമാവധി അഞ്ച് പ്രൊഫൈലുകൾ വരെ അനുവദിക്കുന്ന പ്ലാറ്റ്ഫോം, ഓരോ പ്രൊഫൈലിനും പ്രത്യേക ഇമെയിൽ വിലാസം നിർബന്ധമാക്കാനുള്ള നീക്കത്തിലാണ്.
പുതിയ മാറ്റങ്ങൾ ഇങ്ങനെ
ഇതുവരെ ഒരു അക്കൗണ്ട് തുടങ്ങുന്നതിന് നൽകുന്ന പ്രധാന ഇമെയിൽ വിലാസം മാത്രമായിരുന്നു എല്ലാ പ്രൊഫൈലുകൾക്കും ഉണ്ടായിരുന്നത്. എന്നാൽ, ഇപ്പോൾ ആപ്പിൽ ലോഗിൻ ചെയ്യുമ്പോൾ ഓരോ പ്രൊഫൈലിനും വെവ്വേറെ ഇമെയിൽ വിലാസങ്ങൾ നൽകാൻ ആവശ്യപ്പെട്ടുകൊണ്ടുള്ള നിർദ്ദേശങ്ങൾ ഉപയോക്താക്കൾക്ക് ലഭിച്ചുതുടങ്ങി.
“Personalised new ways to enjoy Netflix are coming,” എന്ന സന്ദേശത്തോടെയാണ് ഈ മാറ്റം അവതരിപ്പിക്കുന്നത്. അക്കൗണ്ട് വീണ്ടെടുക്കാനും കൂടുതൽ വ്യക്തിഗതമാക്കിയ നിർദ്ദേശങ്ങൾ ലഭിക്കാനും ഈ നടപടി സഹായിക്കുമെന്നാണ് നെറ്റ്ഫ്ലിക്സ് അറിയിക്കുന്നത്.
ഉപയോക്താക്കൾ നേരിടുന്ന വെല്ലുവിളികൾ
ഒരേ വീട്ടിലുള്ളവർക്ക് ഇത് വലിയ പ്രയാസം സൃഷ്ടിക്കില്ലെങ്കിലും, വിവിധ ആവശ്യങ്ങൾക്കായി ഒന്നിലധികം പ്രൊഫൈലുകൾ ഉപയോഗിക്കുന്നവർക്ക് ഇത് തിരിച്ചടിയാകും. ഓരോ പ്രൊഫൈലിനും പ്രത്യേക ഇമെയിൽ വിലാസങ്ങൾ കണ്ടെത്തേണ്ടിയും കൈകാര്യം ചെയ്യേണ്ടിയും വരുന്നത് പ്രായോഗികമായ തടസ്സങ്ങൾ സൃഷ്ടിക്കുന്നുണ്ട്.
എന്നിരുന്നാലും, ഈ മാറ്റം ഇതുവരെ ആഗോളതലത്തിൽ പൂർണ്ണമായി നടപ്പിലാക്കിയിട്ടില്ല. തൽക്കാലം ഒഴിവാക്കാൻ വഴിയുണ്ട്
ഈ നിർദ്ദേശം ഇപ്പോൾ ലഭിക്കുന്നവർക്ക് അത് താൽക്കാലികമായി ഒഴിവാക്കാൻ അവസരമുണ്ട്.
ഉപയോക്താക്കൾക്ക് Netflix അക്കൗണ്ട് ക്രമീകരണങ്ങളിലെ Security വിഭാഗത്തിൽ പോയി Feature testing എന്ന ഓപ്ഷൻ ഓഫ് ചെയ്യുന്നതിലൂടെ നിലവിൽ ഈ അസൗകര്യം ഒഴിവാക്കാവുന്നതാണ്. എന്നാൽ ഭാവിയിൽ ഇത് നിർബന്ധമാക്കാനാണ് സാധ്യതയെന്ന് സാങ്കേതിക വിദഗ്ധർ വിലയിരുത്തുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
