സ്മാർട്ട് വാച്ച് ഉപയോക്താക്കൾക്കായി വലിയ മാറ്റങ്ങളുമായി പുതിയ ഫീച്ചറുകൾ ഉൾപ്പെടുത്തിക്കൊണ്ട് Google Health 5.11 അപ്ഡേറ്റ് പുറത്തിറങ്ങി. പുതിയ അപ്ഡേറ്റ് വഴി നൂറിലധികം ഫിറ്റ്നസ് പ്രവർത്തനങ്ങളാണ് ഇനി മുതൽ സ്വയം ട്രാക്ക് ചെയ്യാൻ സാധിക്കുന്നത്.
Pixel Watch 3-ലും അതിനുശേഷമുള്ള പുതിയ മോഡലുകളിലുമാണ് നിലവിൽ ഈ അപ്ഡേറ്റ് ലഭ്യമായിരിക്കുന്നത്. കൂടാതെ Fitbit Air, Fitbit Edge എന്നീ ഡിവൈസുകളിലേക്കും ഈ സേവനം വ്യാപിപ്പിച്ചിട്ടുണ്ട്.
നേരത്തെ പത്തോളം പ്രവർത്തനങ്ങൾ മാത്രമായിരുന്നു സ്മാർട്ട് വാച്ചുകൾക്ക് സ്വയം തിരിച്ചറിയാൻ കഴിഞ്ഞിരുന്നത്. എന്നാൽ ഈ അപ്ഡേറ്റിലൂടെ അത് നൂറിലധികമായി ഉയർത്തിയിരിക്കുകയാണ്.
നീന്തൽ, സ്ട്രെങ്ത് ട്രെയിനിങ്, ഗോൾഫ്, കാർഡിയോ മെഷീനുകൾ ഉൾപ്പെടെയുള്ളവ ഇനി മുതൽ Google Health ആപ്പ് വഴി തനിയെ ലോഗ് ചെയ്യപ്പെടും. ഉപയോക്താക്കൾക്ക് തങ്ങളുടെ സൗകര്യത്തിനനുസരിച്ച് ക്രമീകരണങ്ങൾ മാറ്റിയെടുക്കാനും ഇതിലൂടെ സാധിക്കും.
മുൻപത്തേക്കാൾ ഇരട്ടി കൃത്യതയോടെ വിവരങ്ങൾ നൽകാൻ ഇതിലൂടെ സാധിക്കുമെന്നാണ് റിപ്പോർട്ടുകൾ വ്യക്തമാക്കുന്നത്. ആധുനിക സെൻസറുകൾക്കൊപ്പം മികച്ച സോഫ്റ്റ്‌വെയർ പിന്തുണ കൂടി ചേരുമ്പോഴാണ് ആരോഗ്യ നിരീക്ഷണം കൂടുതൽ കൃത്യമാകുന്നത്.
ഉറക്കത്തിന്റെ ഗുണനിലവാരം, സ്ട്രെസ് ലെവൽ, ശരീരത്തിലെ ഊർ്ജ നില തുടങ്ങിയവയെല്ലാം മനസ്സിലാക്കാൻ ഇത്തരം ആധുനിക സംവിധാനങ്ങൾ സഹായിക്കുന്നു. ആൻഡ്രോയിഡ് ഡിവൈസുകൾക്ക് പുറമെ ആപ്പിൾ ഉൽപ്പന്നങ്ങളിലും ഈ പുതിയ അപ്ഡേറ്റ് ലഭ്യമാക്കിയിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
