ദില്ലിയിൽ കോൺഗ്രസ് നേതൃത്വത്തിനെതിരെ കടുത്ത വിമർശനവുമായി ബിജെപി ദേശീയ വക്താവും രാജ്യസഭാംഗവുമായ സുധാംശു ത്രിവേദി രംഗത്ത്. ദേശീയ നേതാവെന്ന നിലയിൽ രാഹുൽ ഗാന്ധി സമ്പൂർണ്ണ പരാജയമാണെന്ന് അദ്ദേഹം കുറ്റപ്പെടുത്തി.
കോൺഗ്രസ് പ്രവർത്തകരെ പ്രതിസന്ധിയിൽ ഇരുട്ടിൽ നിർത്തി അദ്ദേഹം വിദേശത്തേക്ക് മുങ്ങിക്കളഞ്ഞു എന്ന് സുധാംശു ത്രിവേദി ആരോപിച്ചു. സ്വന്തം കുടുംബത്തിന്റെ താൽപ്പര്യങ്ങൾക്ക് വേണ്ടി മാത്രമുള്ള രാഷ്ട്രീയമാണ് രാഹുൽ പിന്തുടരുന്നത്.
കോൺഗ്രസ് ചരിത്രത്തിൽ ഇതുവരെ ഒരു കുടുംബത്തിൽ നിന്ന് മൂന്ന് പേർ പാർലമെന്‍റിലെത്തിയ കാലമുണ്ടോയെന്നും അദ്ദേഹം വാർത്താസമ്മേളനത്തിൽ ചോദിച്ചു. മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർന്റെ രാജി ആവശ്യപ്പെട്ടുകൊണ്ടുള്ള കോൺഗ്രസ് പ്രതിഷേധങ്ങൾക്കിടെ രാഹുൽ ഗാന്ധി വിദേശയാത്ര നടത്തിയതിനെ ചൂണ്ടിക്കാണിച്ചായിരുന്നു ഈ വിമർശനങ്ങൾ.
അതേസമയം, കണ്ണൂരിൽ രാഹുൽ ഗാന്ധിയെ അധിക്ഷേപിക്കുന്ന രീതിയിൽ പ്രസംഗിച്ചെന്ന പരാതിയിൽ ബിജെപി നേതാവിനെതിരെ പൊലീസ് കേസെടുത്തിട്ടുണ്ട്. ബിജെപി കണ്ണൂർ മേഖലാ പ്രസിഡൻ്റ് കെ.
ശ്രീകാന്ത്നെതിരെയാണ് കലാപശ്രമം ഉൾപ്പെടെയുള്ള വകുപ്പുകൾ ചുമത്തി ടൗൺ പൊലീസ് കേസ രജിസ്റ്റർ ചെയ്തത്. കണ്ണൂരിൽ ഈ മാസം 14 ന് നടന്ന പൊതുയോഗത്തിൽ രാഹുൽ ഗാന്ധിയെ തെരുവ് നായയോട് ഉപമിച്ചു കൊണ്ട് നടത്തിയ വിവാദ പരാമർശത്തിനെതിരെ ഡിസിസി പ്രസിഡന്റും എംഎൽഎയുമായ ടി.ഒ.
മോഹനൻ നൽകിയ പരാതിയുടെ അടിസ്ഥാനത്തിലാണ് നടപടി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
