മഞ്ചേശ്വരം മേഖലയിൽ ആരോഗ്യ ബോധവൽക്കരണത്തിന്റെ ഭാഗമായി സൗജന്യ ജീവിതശൈലീ രോഗനിർണയ ക്യാംപ് നടന്നു. കുമ്പള കോസ്റ്റൽ പൊലീസ് സ്റ്റേഷൻ, കാസർകോട് ഡയ ലൈഫ് ഹോസ്പിറ്റൽ, ഹൊസങ്കടി മള്ഹർ ക്യാംപസ് എന്നിവയുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്.
മള്ഹർ ക്യാംപസിൽ വെച്ച് നടന്ന ചടങ്ങ് കോസ്റ്റൽ പൊലീസ് ഇൻസ്പെക്ടർ ദിലീഷ്.കെ ഔദ്യോഗികമായി ഉദ്ഘാടനം ചെയ്തു. കുമ്പള കോസ്റ്റൽ പോലീസ് സ്റ്റേഷൻ സീനിയർ സിവിൽ പൊലീസ് ഓഫിസർ ഖലീഫ ഉദിനൂർ ചടങ്ങിൽ അധ്യക്ഷത വഹിച്ചു.
തുടർന്ന് നടന്ന ബോധവൽക്കരണ ക്ലാസിന് ഡയ ലൈഫ് ഹോസ്പിറ്റൽ മെഡിക്കൽ ഓഫിസർ ഡോ. മൊയ്തീൻ കുഞ്ഞി.ഐ.കെ നേതൃത്വം നൽകി.
മാറ现代 ജീവിതശൈലിയിലൂടെ ഉണ്ടാവുന്ന ആരോഗ്യപ്രശ്നങ്ങളെക്കുറിച്ചും പ്രതിരോധ മാർഗങ്ങളെക്കുറിച്ചും അദ്ദേഹം സംസാരിച്ചു. മള്ഹർ ചെയർമാൻ സയ്യിദ് അബ്ദുറഹ്മാൻ ഷഹീർ അൽ ബുഖാരി, ഡയാലൈഫ് ജനറൽ മാനേജർ മൻസൂർ, മള്ഹർ ക്യാംപസ് പ്രിൻസിപ്പാൾ റൗഫ് മിസ്ബാഹി, മള്ഹർ മാനേജർ ഹസൻ കുഞ്ഞി മള്ഹർ തുടങ്ങിയ പ്രമുഖർ ചടങ്ങിൽ സംസാരിച്ചു.
പരിപാടിയുടെ ഭാഗമായി നടന്ന ആരോഗ്യ പരിശോധനയിൽ ഇരുന്നൂറോളം പേർ പങ്കെടുത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
