അമേരിക്കയുമായി തുടരുന്ന സംഘര്‍ഷത്തിന് വിരാമമിടേണ്ട സമയം അതിക്രമിച്ചെന്ന് ഇറാന്‍ പ്രസിഡന്റ്

അമേരിക്കയുമായി മാസങ്ങളായി നിലനിൽക്കുന്ന സംഘര്‍ഷാന്തരീക്ഷത്തിന് അറുതി വരുത്തേണ്ട സമയം എത്തിയെന്ന് ഇറാന്‍ പ്രസിഡന്റ് മസൂദ് പെസഷ്‌കിയന്‍ വ്യക്തമാക്കി.

യുഎസിനെ അപേക്ഷിച്ച് കൂടുതൽ കരുത്തും അന്തസ്സും നിറഞ്ഞ സമീപനമാണ് തങ്ങൾ സ്വീകരിച്ചിട്ടുള്ളതെന്നും, ഈ സംഘർഷത്തിൽ വിജയം തങ്ങൾക്കായിരുന്നുവെന്ന് ആഗോളതലത്തിൽ തന്നെ അംഗീകരിക്കപ്പെട്ടിട്ടുണ്ടെന്നും അദ്ദേഹം അഭിപ്രായപ്പെട്ടു. ഒരു യോഗത്തിൽ പങ്കെടുത്ത് സംസാരിക്കവെയാണ് അദ്ദേഹം ഇക്കാര്യങ്ങൾ വ്യക്തമാക്കിയത്.

അന്താരാഷ്ട്ര നിയമങ്ങളെല്ലാം കാറ്റിൽപ്പറത്തിക്കൊണ്ട് അമേരിക്ക രാജ്യത്തെ വിദ്യാലയങ്ങൾ, ആശുപത്രികൾ, അടിസ്ഥാന സൗകര്യങ്ങൾ എന്നിവയ്ക്ക് നേരെയാണ് ആക്രമണങ്ങൾ അഴിച്ചുവിട്ടതെന്ന് അദ്ദേഹം കുറ്റപ്പെടുത്തി. ഈ നടപടികൾ ലോകവ്യാപകമായി അമേരിക്കയെ ജനശ്രദ്ധയിൽ വെറുക്കപ്പെട്ടവരാക്കി മാറ്റിയെന്നും മസൂദ് പെസഷ്‌കിയന്‍ കൂട്ടിച്ചേർത്തു.

ടെഹ്‌റാനുമേലുള്ള സമ്മർദ്ദം ശക്തമാക്കുന്നതിന്റെ ഭാഗമായി സാമ്പത്തിക ഉപരോധങ്ങൾ കൂടുതൽ കടിപ്പിക്കുമെന്ന് അമേരിക്ക ഔദ്യോഗികമായി പ്രഖ്യാപിച്ചതിന് തൊട്ടുപിന്നാലെയാണ് പ്രസിഡന്റിന്റെ ഈ പ്രതികരണം പുറത്തുവന്നിരിക്കുന്നത്.