‘കൊട്ടിഘോഷിച്ച ദേശീയപാതയാണ് മലപ്പുറത്ത് ഇടിഞ്ഞുതാണത്; അഴിമതിയില് മുങ്ങിക്കുളിച്ച സര്ക്കാർ’
തിരുവനന്തപുരം∙ അഴിമതിയില് മുങ്ങിക്കുളിച്ച സര്ക്കാരിനെയാണ് നാലാം വാര്ഷിക വേളയില് കേരളം കാണുന്നതെന്ന് കെപിസിസി പ്രസിഡന്റ് സണ്ണി ജോസഫ് എംഎല്എ. മുഖ്യമന്ത്രിയുടെ മകള് യാതൊരു സേവനങ്ങളും നല്കാതെ കരിമണല് കമ്പനിയില് നിന്നും 2.7 കോടി രൂപ മാസപ്പടിയായി കൈപ്പറ്റിയത്, കോവിഡ് കാലത്തെ പിപിഇ കിറ്റ് വാങ്ങലുകൾ, കെഎഫ്സി നിക്ഷേപം, എഐ ക്യാമറ തുടങ്ങിയ കുംഭകോണങ്ങളാണ് പിണറായി സര്ക്കാരിന്റെ കാലത്തു പുറത്തുവന്നത്.
Latest News
എസ്എഫ്ഐഒ മുഖ്യമന്ത്രിയുടെ മകള്ക്കെതിരെ കുറ്റപത്രം നല്കിയ കേസില് മുഖ്യമന്ത്രിയും മകളും അപ്പീല് നല്കുകയോ ഇതുവരെ പ്രതികരിക്കുകയോ ചെയ്തിട്ടില്ല.
കോവിഡ് കാലത്ത് 550 രൂപയുടെ കിറ്റ് 1550 രൂപയ്ക്ക് വാങ്ങി അഴിമതി കാണിച്ചെന്ന് ലോകായുക്തയില് കേസും സിഎജി റിപ്പോര്ട്ടുമുണ്ട്. മുഖ്യമന്ത്രിയുടെ അറിവോടെയാണ് പിപിഇ കിറ്റ് വാങ്ങിയെന്ന് അന്നത്തെ ആരോഗ്യമന്ത്രി പറഞ്ഞിട്ടും ഇന്നുവരെ അതിനോട് മുഖ്യമന്ത്രി പ്രതികരിച്ചില്ല.
അംബാനിയുടെ കമ്പനിയിലേക്ക് മാനദണ്ഡങ്ങള് പാലിക്കാതെ 60.80 കോടി രൂപ കേരള ഫിനാന്ഷ്യല് കോര്പ്പറേഷനെ കൊണ്ടു നിക്ഷേപിച്ചത് മറ്റൊരു അഴിമതിയാണ്. പത്താം വര്ഷത്തേക്ക് കടക്കുന്ന പിണറായി സര്ക്കാരിന്റെ സാര്വത്രിക തകര്ച്ചയുടെ നേര്ചിത്രമാണ് തിരുവനന്തപുരം ചുള്ളിമാനൂരില് കള്ളക്കേസില്ക്കുടുക്കി ദലിത് വീട്ടമ്മയെ 20 മണിക്കൂര് വെള്ളംപോലും നല്കാതെ സ്റ്റേഷനില് മാനസികമായി പീഡിപ്പിച്ചത്. കൊട്ടിഘോഷിച്ച ദേശീയപാതയാണ് മലപ്പുറത്ത് ഇടിഞ്ഞുതാണത്.
Also Read
ദേശീയപാതയുടെ ക്രെഡിറ്റ് അവകാശപ്പെടുന്ന സര്ക്കാര് ഇതിന്റെ ഉത്തരവാദിത്തം ഏറ്റെടുക്കണം. സിപിഎം അധിക്ഷേപം ചൊരിഞ്ഞ ആശാവര്ക്കര്മാരുടെ സമരം നൂറു ദിവസം പിന്നിട്ടിട്ടും സര്ക്കാര് തിരിഞ്ഞുനോക്കിയില്ല.
കേരളീയം, നവകേരള സദസ്സ് എന്നിവയുടെ പേരില് എത്ര കോടി ഖജനാവില് നിന്ന് ചെലവാക്കിയെന്നോ എത്രകോടി പിരിച്ചെന്നോ ഒരു കണക്കുമില്ലെന്നും സണ്ണി ജോസഫ് പറഞ്ഞു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
