തിരുവനന്തപുരം- കുറഞ്ഞ നിരക്കില്‍ കേരളം മുതല്‍ കശ്മീര്‍ വരെ യാത്ര ചെയ്ത് തിരികെയെത്താനുള്ള സൗകര്യവുമായി റെയില്‍വേ. ‘നോര്‍ത്ത് വെസ്‌റ്റേണ്‍ ഡിലൈറ്റ് വിത്ത് വൈഷ്‌ണോദേവി’ എന്നാണ് ഐആര്‍സിടിസി പാക്കേജിന്റെ പേര്. പന്ത്രണ്ട് രാത്രികളും പതിമൂന്ന് പകലുകളും നീണ്ടുനില്‍ക്കുന്നതാണ് പാക്കേജ്. മൂന്ന് പേര്‍ക്ക് ഷെയര്‍ ചെയ്യാന്‍ കഴിയുന്ന റൂമുകളാണ് താമസത്തിന് ലഭിക്കുക.
മുതിര്‍ന്നവര്‍ക്ക് 26310 രൂപയും കുട്ടികള്‍ക്ക് (11 വയസ് വരെ) 24300 രൂപയാണ് ടിക്കറ്റ് നിരക്ക്. മൂന്ന് നേരം ഭക്ഷണമുള്‍പ്പെടെയാണ് പാക്കേജ്. എസിയില്‍ യാത്ര ചെയ്യാന്‍ കംഫര്‍ട്ട് സീറ്റിന് മുതിര്‍ന്നവര്‍ക്ക് 39,240 രൂപയും കുട്ടികള്‍ക്ക് 37,530 രൂപയുമാണ് നിരക്ക്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
നവംബര്‍ 19ന് ആരംഭിച്ച് ഡിസംബര്‍ ഒന്നിനാണ് യാത്ര അവസാനിക്കുന്നത്. ഭാരത് ഗൗരവ് ട്രെയിനിലെ എസി, സ്ലീപ്പര്‍ ക്ലാസ്സുകളിലാണ് യാത്ര. കൊച്ചുവേളി, കൊല്ലം, കോട്ടയം, എറണാകുളം, ഷൊര്‍ണൂര്‍, കോഴിക്കോട്, കണ്ണൂര്‍ എന്നി റെയില്‍വേ സ്‌റ്റേഷനില്‍ നിന്നും യാത്രക്കാര്‍ക്ക് കയറാനുള്ള സൗകര്യമാണ് ഒരുക്കിയിരിക്കുന്നത്. 544 സ്റ്റാന്‍ഡേര്‍ഡ് സീറ്റുകളും 210 കംഫര്‍ട്ട് സീറ്റുകളും ഉള്‍പ്പെടെ ആകെ 754 പേര്‍ക്ക് യാത്ര ചെയ്യാനുള്ള സൗകര്യമാണുള്ളത്. കൂടുതല്‍ വിവരങ്ങള്‍ക്ക് ഐആര്‍സിടിസിയുടെ വെബ്‌സൈറ്റായ www.irctctourism.com സന്ദര്‍ശിക്കുക
