ബെംഗളൂരുവിലെ ചിന്നസ്വാമി സ്റ്റേഡിയത്തില്‍ നടന്ന ഇന്ത്യ-വെസ്റ്റ് ഇന്‍ഡീസ് നിര്‍ണായക അഞ്ചാം ടി20 മത്സരം മഴ മൂലം ഉപേക്ഷിച്ചു. ഈ സമനിലയോടെ അഞ്ച് മത്സരങ്ങളടങ്ങിയ പരമ്പര 2-2 എന്ന നിലയില്‍ അവസാനിച്ചു.
പ്രതികൂല കാലാവസ്ഥയെ തുടര്‍ന്ന് വൈകിയാരംഭിച്ച മത്സരം ആദ്യം ഒമ്പത് ഓവറാക്കി ചുരുക്കിയിരുന്നു. പിന്നീട് ഇന്നിങ്സ് പുരോഗമിക്കവെ 7.4 ഓവറില്‍ വീണ്ടും മഴ ശക്തമായതോടെ അമ്പയര്‍മാര്‍ കളി ഉപേക്ഷിക്കുകയാണെന്ന് ഔദ്യോഗികമായി പ്രഖ്യാപിക്കുകയായിരുന്നു.
ടോസ് നേടിയ വിന്‍ഡീസ് നായകന്‍ ഷായ് ഹോപ്പ് ഇന്ത്യയെ ബാറ്റിംഗിന് അയക്കുകയായിരുന്നു. മോശം കാലാവസ്ഥ കാരണം നിശ്ചയിച്ച സമയത്ത് ടോസ് പോലും നടത്താന്‍ സാധിച്ചിരുന്നില്ല.
രണ്ട് മാറ്റങ്ങളോടെയാണ് ഇന്ത്യന്‍ നിര കളത്തിലിറങ്ങിയത്. മായങ്ക് യാദവിന് പകരം ഭുവനേശ്വര്‍ കുമാറും നിതീഷ് കുമാര്‍ റെഡ്ഡിക്ക് പകരം ശിവം ദുബെയും പ്ലേയിംഗ് ഇലവനില്‍ ഇടംപിടിച്ചു.
മത്സരത്തിന്റെ തുടക്കത്തില്‍ തന്നെ ഇന്ത്യക്ക് ആദ്യ പ്രഹരമേറ്റു. ആദ്യ ഓവറില്‍ തന്നെ അഭിഷേക് ശര്‍മ്മയ്ക്ക് (6) വിക്കറ്റ് നഷ്ടമായി.
എന്നാല്‍ പിന്നീട് ക്രീസിലെത്തിയ ഇഷാന്‍ കിഷന്‍ വെടിക്കെട്ട് ബാറ്റിംഗിലൂടെ ടീമിനെ മത്സരത്തിലേക്ക് തിരികെ കൊണ്ടുവന്നു. നേരിട്ട
10 പന്തില്‍ നിന്ന് 30 റണ്‍സ് നേടിയ താരം രണ്ട് സിക്‌സും മൂന്ന് ഫോറും അടിച്ചു. മലയാളി താരം സഞ്ജു സാംസണ്‍ 7 പന്തില്‍ 16 റണ്‍സ് നേടി മികച്ച പിന്തുണ നല്‍കി.
രണ്ട് ഫോറും ഒരു സിക്‌സും പറത്തിയ സഞ്ജുവിനെ അഞ്ചാം ഓവറില്‍ ഷമാര്‍ സ്പ്രിങറാണ് പുറത്താക്കിയത്. ക്യാപ്റ്റന്‍ ശ്രേയസ് അയ്യര്‍ (14 പന്തില്‍ 22) പതുക്കെയാണ് ബാറ്റ് വീശിയതെങ്കിലും, അവസാന ഓവറുകളില്‍ തകര്‍ത്തടിച്ച നമന്‍ ധിര്‍ ഇന്ത്യയെ ഭേദപ്പെട്ട
സ്‌കോറിലേക്ക് നയിച്ചു. താരം 6 പന്തില്‍ പുറത്താവാതെ 24 റണ്‍സ് നേടി.
മൂന്ന് സിക്‌സും ഒരു ഫോറുമാണ് നമന്‍ ധിറിന്റെ ബാറ്റില്‍ നിന്ന് പിറന്നത്. എട്ടാം ഓവറിലെ നാലാം പന്തില്‍ തിലക് വര്‍മ്മയും (7) പുറത്തായി.
അങ്ങനെ മഴ കളി തടസ്സപ്പെടുത്തുമ്പോള്‍ ഇന്ത്യ 5 വിക്കറ്റ് നഷ്ടത്തില്‍ 118 റണ്‍സ് എന്ന നിലയിലായിരുന്നു. വെസ്റ്റ് ഇന്‍ഡീസിന് വേണ്ടി കീമോ പോള്‍ രണ്ട് വിക്കറ്റ് വീഴ്ത്തി.
ടീം വിവരങ്ങള്‍: ഇന്ത്യ: അഭിഷേക് ശര്‍മ്മ, സഞ്ജു സാംസണ്‍ (വിക്കറ്റ് കീപ്പര്‍), ഇഷാന്‍ കിഷന്‍, ശ്രേയസ് അയ്യര്‍ (ക്യാപ്റ്റന്‍), തിലക് വര്‍മ്മ, ശിവം ദുബെ, നമന്‍ ധീര്‍, അക്‌സര്‍ പട്ടേല്‍, ഭുവനേശ്വര്‍ കുമാര്‍, പ്രിന്‍സ് യാദവ്, അര്‍ഷ്ദീപ് സിംഗ്. വെസ്റ്റ് ഇന്‍ഡീസ്: ഷായ് ഹോപ്പ് (ക്യാപ്റ്റന്‍ & വിക്കറ്റ് കീപ്പര്‍), ജുവല്‍ ആന്‍ഡ്രൂ, ഷിംറോണ്‍ ഹെറ്റ്മെയര്‍, റോവ്മാന്‍ പവല്‍, ഷെര്‍ഫെയ്ന്‍ റൂഥര്‍ഫോര്‍ഡ്, റൊമാരിയോ ഷെപ്പേര്‍ഡ്, റോസ്റ്റണ്‍ ചേസ്, കീമോ പോള്‍, ഷമാര്‍ സ്പ്രിംഗര്‍, ഗുഡകേഷ് മോട്ടി, ഷമാര്‍ ജോസഫ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
