കഞ്ചാവ് കിട്ടിയേ പറ്റൂ, പുലർച്ചെ മൂന്ന് മണിക്ക് ഫോണില് വിളിച്ച് ആവശ്യപ്പെട്ടു: ശ്രീനാഥ് ഭാസിക്കെതിരെ നിർമാതാവ്
കൊച്ചി ∙ നടന് ശ്രീനാഥ് ഭാസി സിനിമാ സെറ്റില് നിരന്തരം ലഹരി ആവശ്യപ്പെട്ടിരുന്നുവെന്ന് നിർമാതാവ് ഹസീബ് മലബാറിന്റെ വെളിപ്പെടുത്തൽ. പുലർച്ചെ മൂന്ന് മണിക്ക് ഫോണില് വിളിച്ചാണ് കഞ്ചാവ് കിട്ടിയേ പറ്റുകയുള്ളൂവെന്ന് പറഞ്ഞത്.
നടന് സ്ഥിരമായി വരാത്തതിനാല് സിനിമയുടെ ചിത്രീകരണവും ഡബ്ബിങ്ങും നീണ്ടുപോയെന്നും ഹസീബ് വെളിപ്പെടുത്തി. ‘നമുക്ക് കോടതിയിൽ കാണാം’ എന്ന സിനിമയുടെ ചിത്രീകരണത്തിനിടെ ആയിരുന്നു സംഭവം.
സഞ്ജിത്ത് ചന്ദ്രസേനന് സംവിധാനം ചെയ്ത ചിത്രം ഈ മാസം തിയറ്ററുകളിലെത്തും.
കാരവനു ലഹരി പിടിച്ചെടുക്കാന് കഴിവുണ്ടെങ്കില് കേരളത്തില് ഏറ്റവും കൂടുതല് ആക്സിഡന്റ് ഉണ്ടാകുന്ന വണ്ടി ശ്രീനാഥ് ഭാസിയുടേത് ആയേനെ എന്നും ഹസീബ് മലബാര് ആരോപിച്ചു.
ലഹരി പരിശോധനയ്ക്കിടെ നടന് ഷൈന് ടോം ചാക്കോ ഹോട്ടല് മുറിയില് നിന്നും പൊലീസിനെ വെട്ടിച്ച് ഓടി രക്ഷപ്പെടുന്നതിന്റെ സിസിടിവി ദൃശ്യങ്ങള് പുറത്തുവന്നതിനു പിന്നാലെയാണ് ശ്രീനാഥ് ഭാസിക്കെതിരെയും ആരോപണം. ആലപ്പുഴയില് ഹൈബ്രിഡ് കഞ്ചാവ് പിടിച്ചെടുത്ത കേസിലും ശ്രീനാഥ് ഭാസിക്കെതിരെ ആരോപണം ഉയര്ന്നിരുന്നു. രണ്ട് കോടി വിലവരുന്ന ഹൈബ്രിഡ് കഞ്ചാവുമായി തസ്ലീമ സുല്ത്താനയെന്ന സ്ത്രീയെ ആലപ്പുഴയില് നിന്നും പിടികൂടിയപ്പോള് താന് ശ്രീനാഥ് ഭാസിക്കും ഷൈന് ടോം ചാക്കോയ്ക്കും കഞ്ചാവ് കൈമാറിയെന്നായിരുന്ന മൊഴി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
