നീറ്റ്-യുജി പരീക്ഷാഫലം പ്രസിദ്ധീകരിച്ചു: ഒന്നാം റാങ്ക് പങ്കിട്ട് ആര്യൻ ഗുപ്തയും പൻഷുൽ ബൻസാലും

നീറ്റ്-യുജി (NEET-UG) പുനഃപരീക്ഷയുടെ ഫലങ്ങൾ നാഷണൽ ടെസ്റ്റിംഗ് ഏജൻസി (NTA) ഔദ്യോഗികമായി പ്രഖ്യാപിച്ചു. പരീക്ഷയെഴുതിയ ഏകദേശം 20 ലക്ഷത്തോളം വിദ്യാർഥികളിൽ 11.21 ലക്ഷം പേർ യോഗ്യത നേടിയിട്ടുണ്ട്.

വിജയിച്ചവരിൽ 58 ശതമാനത്തിലധികം പെൺകുട്ടികളാണ് എന്നത് ശ്രദ്ധേയമാണ്. പരീക്ഷയിൽ 715 മാർക്കുകൾ കരസ്ഥമാക്കി പഞ്ചാബ് സ്വദേശി ആര്യൻ ഗുപ്ത, ഹരിയാന സ്വദേശി പൻഷുൽ ബൻസാൽ എന്നിവർ ഒന്നാം റാങ്ക് പങ്കിട്ടു.

പരീക്ഷാഫലത്തിന്റെ വിശദാംശങ്ങൾ താഴെ പറയുന്നവയാണ്: സ്കോർ വിവരങ്ങൾ:
– 700 മാർക്കിന് മുകളിൽ: 19 പേർ.
– 690 മാർക്കിന് മുകളിൽ: 138 പേർ.
– 650 മാർക്കിന് മുകളിൽ: 1,492 പേർ.
– 600 മാർക്കിന് മുകളിൽ: 10,160 പേർ.
– 500 മാർക്കും അതിൽ കൂടുതലും: 90,780 പേർ. പരീക്ഷാഫലം സംബന്ധിച്ച കൂടുതൽ വിവരങ്ങൾ ഔദ്യോഗിക വെബ്സൈറ്റിൽ ലഭ്യമാണ്.