ഫുട്ബോൾ ലോകകപ്പ് ചരിത്രത്തിൽ പോർച്ചുഗലിന്റെ ഏറ്റവും മികച്ച ഗോൾവേട്ടക്കാരൻ എന്ന പദവി ഇന്നും യുസേബിയോ ഡാ സീൽവ ഫെരയ്രയിൽ തന്നെ ഭദ്രമാണ്. ലോകകപ്പ് വേദിയിൽ പോർച്ചുഗലിനായി ബൂട്ടണിഞ്ഞ താരങ്ങളിൽ മറ്റാർക്കും മറികടക്കാൻ കഴിയാത്ത ഒരു നാഴികക്കല്ലാണ് അദ്ദേഹം സ്ഥാപിച്ചിരിക്കുന്നത്.
1966-ൽ ഇംഗ്ലണ്ട് ആതിഥേയത്വം വഹിച്ച ഫിഫ ലോകകപ്പിലാണ് പോർച്ചുഗൽ ആദ്യമായി ടൂർണമെന്റിൽ പങ്കെടുത്തത്. ആ വർഷം പോർച്ചുഗൽ കുപ്പായത്തിൽ കളം നിറഞ്ഞ യുസേബിയോ എതിരാളികളുടെ വലയിലേക്ക് പന്ത് എത്തിച്ചത് ഒൻപത് തവണയാണ്.
പോർച്ചുഗലിന്റെ ലോകകപ്പ് ചരിത്രത്തിലെ ഏറ്റവും മികച്ച പ്രകടനം നടന്നതും അതേ വർഷമായിരുന്നു. ടൂർണമെന്റിൽ മൂന്നാം സ്ഥാനം കരസ്ഥമാക്കാൻ പോർച്ചുഗലിന് സാധിച്ചു.
ലോകഫുട്ബോളിലെ ഇതിഹാസ താരമായ ക്രിസ്റ്റ്യാനോ റൊണാൾഡോയ്ക്ക് പോലും അഞ്ച് ലോകകപ്പുകൾ കളിച്ചിട്ടും യുസേബിയോയുടെ ഈ റെക്കോർഡിനെ മറികടക്കാൻ സാധിച്ചിട്ടില്ല. ക്രിസ്റ്റ്യാനോ റൊണാൾഡോ അഞ്ച് വ്യത്യസ്ത ടൂർണമെന്റുകളിലായി എട്ട് ഗോളുകളാണ് നേടിയിട്ടുള്ളത്.
ഇദ്ദേഹം യുസേബിയോയുടെ റെക്കോർഡിന് തൊട്ടുപിന്നിൽ തുടരുന്നു. പട്ടികയിൽ മൂന്നാം സ്ഥാനത്ത് നാല് ഗോളുകളുമായി പൗലേറ്റയാണുള്ളത്.
ഹോസെ അഗസ്റ്റോ, ഹോസെ ടോറസ്, ഗോൺസാലോ റാമോസ് എന്നിവരും നാല് ഗോളുകൾ വീതം നേടി ഇതേ സ്ഥാനത്ത് പങ്കാളികളാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
